Prezident Qasym-Jomart Toqaev 2020 jyldy «Erıktıler jyly» dep bekıtken. Osyǧan säikes erıktıler jylyn keŋ kölemde ötkızu maqsatynda Şymkentte qarqyndy jūmystar atqarylyp otyr.
Qazırgı taŋda şaharda 3 myŋnan astam erıktı, 20-ǧa juyq erıktıler ūiymy bar. Solardyŋ bırı - «Izgılıkte jarysaiyq» qaiyrymdylyq qoǧamdyq qory. Atalǧan qor qalalyq Jastar resurstyq ortalyǧynyŋ qoldauymen «Erıktıler mektebın» aşyp otyr.
«Erıktıler mektebınıŋ» basty maqsaty – qorşaǧan ortaǧa qamqorlyq körsetu, mūqtajdarǧa kömek berıp, ızgılık jolynda jastardyŋ öz ızın qaldyruy bolyp otyr. Sonymen qatar, jas ūrpaqtyŋ boiyna adamgerşılık, ızgılık, qamqorlyq pen qaiyrymdylyq siiaqty asyl qasietterdı darytu.
«Izgılıkte jarysaiyq» qaiyrymdylyq qoǧamdyq qorynyŋ erıktılerı bılım, ekologiia, äleumettık baǧyttarynda jūmys jasaidy.
Mäselen, «Eko-volonter» baǧytynda «Şymkent – taza qala», «Şymkent – jasyl qala» jobalary boiynşa qalanyŋ tazalyǧyna öz ülesterın qosyp otyr. Sondai-aq, «plogging» saiystaryn mektep oquşylary jäne studentter arasynda ūiymdastyryp keledı. Ol jügıru men qoqys jinaudy bırıktıretın ekologiialyq qozǧalys. Būl arqyly volonterlardy tazalyqqa, sabyrlyqqa, mädeniettılıkke üiretedı.
Al, «PEDKLUB» bılım jobasy jastar arasynda jūmyssyzdyq deŋgeiın tömendetu, ūlttyq qūndylyqtardy nasihattau maqsatynda jasalynǧan.
Şymkent qalasy äkımınıŋ baspasöz qyzmetı
