ايگىلى ديزاينەر كەندزو تاكادا كوروناۆيرۋس ينفەكتسياسى سالدارىنان كوز جۇمدى

1205

جاپونيالىق سانگەر ءارى ديزاينەر كەندزو تاكادا كوروناۆيرۋس ينفەكتسياسى سالدارىنان 81 جاسىنان اسقان شاعىندا كوز جۇمدى دەپ حابارلايدى "ادىرنا" ءتىلشىسى Kaz.Nur.kz - كە سىلتەمە جاساپ.

فرانتسيادا كوروناۆيرۋس ينفەكتسياسىنىڭ ۋشىعىپ كەتۋى ناتيجەسىندە 81 جاستاعى ايگىلى ديزاينەر كەندزو تاكادا قايتىس بولدى. Kenzo برەندىنىڭ نەگىزىن قالاۋشىسى جايلى قارالى حاباردى ك-3 ءسان ءۇيىنىڭ وكىلدەرى حابارلادى. اتالمىش ءسان ءۇيدى تاكادا وسى جىلدىڭ قاڭتار ايىندا عانا ىسكە قوسقان ەدى.

"كەندزو تاكادا 2020 جىلدىڭ ءتورتىنشى قازانىندا امەريكالىق نەي-سيۋر-سەن كلينيكاسىندا COVID-19 ينفەكتسياسىنىڭ ۋشىعىپ كەتۋى سالدارىنان قايتىس بولدى", - دەدى سانگەر وكىلى. بۇل تۋرالى Monde باسىلىمىنان بەلگىلى بولدى.

جاپونيا تۋماسى پاريج قالاسىنا 1965 جىلى كوشىپ كەلىپ، ءبىراز ۋاقىتتان كەيىن ايتارلىقتاي جەتىستىككە جەتكەن. قونىس اۋدارعانىنا بەس جىل بولعان كەزدە ونىڭ العاشىق توپتاماسى جارىققا شىقتى. ونى ول Galerie Vivienne بۋتيگىندە جاساپ شىعاردى.

1983 جىلى تاكادا ەر ادامدارعا ارنالعان كيىمدەر توپتاماسىن ىسكە قوسسا، 1988 جىلى ءوزىنىڭ تۇڭعىش ءيىس سۋىن شىعاردى. ديزاينەر وعان Kenzo Kenzo دەگەن اتاۋ بەردى.

بۇگىنگى كۇنى ايەلدەر، ەرلەر مەن بالالارعا ارنالعان كيىمدەر، اكسەسسۋارلار مەن پارفيۋمەريانى جاساپ شىعاراتىن تاۋار ماركاسى LVMH كومپانياسىنا تيەسىلى.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket