شىمكەنت قالاسى م.اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ تۇلەگى ازامات قونىسباي پاندەميا كەزىندە جاڭا تەحنولوگيا ويلاپ تاپتى. ول سۋدى، تۇرمىستىق جانە وندىرىستىك ءۇي-جايلاردى زالالسىزداندىرۋعا ارنالعان ازون گەنەراتورىن جاساپ شىعارعان ەكەن.
جاس تەحنولوگ ءوز جۇمىسىن قالا اكىمى مۇرات ايتەنوۆكە تانىستىردى.
- وزون گەنەراتورىنىڭ قۇنى 150 000 تەڭگەنى قۇرايدى. بۇل سانيتارلىق دەزينفەكتسيا قىزمەتىن پايدالانۋدان شامامەن 1 جىلعا ەسەپتەگەندە 25 ەسە ارزان. ياعني تەحنولوگيانى پايدالانۋدىڭ قۇنى تومەن جانە دەزينفەكتسيالىق جابدىقتى بىرنەشە رەت پايدالانا بەرۋگە بولادى. وڭاي جوندەلەدى، قول جەتىمدى، ءارى ءتيىمدى، - دەيدى ازامات قونىسباي.
وزون گەنەراتورىنىڭ باستى جاڭالىعى - دەزينفەكتسيالاۋدىڭ ەسكى ءتيىمسىز ادىستەرىن الماستىرۋدا بولىپ تۇر. بۇل گەنەراتور قاشىقتان ادامنىڭ ارالاسۋىنسىز اۆتوماتتى رەجيمدە پايدالاناتىن قۇرال رەتىندە جۇمىس جاسايدى.
اتالعان تەحنولوگيا ەلىمىزدە تۇراقتى زالالسىزداندىرۋ شارالارىندا، مەديتسينا قىزمەتكەرلەرىنىڭ ارنايى كيىمدەرىن جانە ادامداردىڭ كوپ شوعىرلاناتىن ورىندارىن دەزينفەكتسيالاۋدا سۇرانىسقا يە.
ازامات قونىسباي ەندىگى كەزەكتە تەحنولوگيانى قولدانىسقا ەندىرىپ، پاتەنتتەۋدى قولعا الىپ وتىر.
شىمكەنت قالاسى اكىمىنىڭ ءباسپاسوز قىزمەتى
