«كولساي كولدەرى» ۇلتتىق مەملەكەتتىك تابيعي پاركى يۋنەسكو-ىڭ بۇكىلالەمدىك بيوسفەرالىق رەزەرۆاتتار جەلىسىنە قوسىلۋى مۇمكىن، دەپ حابارلايدى «ادىرنا» ۇلتتىق پورتالى قر ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ.
بۇل تۋرالى 30 قىركۇيەكتە ەكولوگيا ءمينيسترىنىڭ ورىنباسارى ەرلان نىسانباەۆتىڭ قاتىسۋىمەن وتكەن «كولساي كولدەرى» مەملەكەتتىك ۇلتتىق تابيعي پاركىنىڭ دامۋ تۇجىرىمداسىنىڭ تانىستىرىلىمى بارىسىندا ايتىلدى.
«كەشە پاريجدەگى ءبىزدىڭ ديپلوماتتارىمىز «كولساي كولدەرىن» يۋنەسكو بۇكىلالەمدىك رەزەرۆاتتار قاتارىنا قوسۋ تۋرالى ءوتىنىش بەرگەنىن حابارلايمىن. ءبىر جىل ىشىندە وتىنىشكە باعا بەرىلەدى. شامامەن كەلەر جىلدىڭ ماۋسىم ايىندا شەشىم قابىلدانادى»، - دەدى يۋنەسكو «ادام جانە بيوسفەرا» قازاقستاندىق ۇلتتىق كوميتەتتىڭ توراعاسى، زوولوگيا ينستيتۋتىنىڭ باس ديرەكتورى رومان ياششەنكو جيىن بارىسىندا.
ونىڭ سوزىنشە، ۇلتتىق پارك اتالعان تىزىمگە كىرۋ ارقىلى حالىقارالىق دارەجەگە كوتەرىلەدى. الەمدىك قاۋىمداستىق الدىندا ەكوجۇيەنى ساقتاۋعا قاتىستى جاۋاپكەرشىلىك ارتادى.
«ادىرنا» ۇلتتىق پورتالى
