قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جانە Kaspi.kz جك (جەكە كاسىپكەر) تىركەۋ بويىنشا جاڭا سەرۆيس ىسكە قوسىلدى.
قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ء(تسدياوم) جانە Kaspi.kz قازاقستاندىقتارعا مەملەكەتتىك كورسەتىلەتىن قىزمەتتەردى ونلاين تۇرىندە تەز جانە وڭاي الۋعا كومەكتەسەتىن جاڭا سەرۆيستەر بىرلەسىپ ازىرلەنۋدە.
جك تىركەۋ ءۇشىن ەندى وسى قىزمەتتى Kaspi.kz قوسىمشادان تاڭداپ، ساۋالنامانى تولتىرىپ، Kaspi ەتسق كومەگىمەن قول قويۋ جەتكىلىكتى.
وسىنداي العاشقى جوبا Kaspi.kz ءموبيلدى قوسىمشادا جك تىركەۋ سەرۆيسى بولىپ تابىلادى. سەرۆيس قۇجاتتاردى قاشىقتىقتان تەكسەرۋگە، كاسىپكەردى سايكەستەندىرۋگە، تىركەۋدى راستاۋعا ارنالعان بىرقاتار زاماناۋي تەحنيكالىق شەشىمدەردى قامتيدى.
قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين:
«بيزنەس ارقىلى مەملەكەتتىك قىزمەت كورسەتۋ يدەياسى مينيسترلىك كومانداسىنا تيەسىلى. ودان كەيىن «ۇات» اق مەن Kaspi.kz-ءتىڭ ۇيلەسىمدى اتقارىلعان جۇمىسى. مەملەكەتتىك قىزمەتتەردى نەعۇرلىم تانىمال سەرۆيستەردە ۇسىنۋى ەل ءۇشىن تاريحي ءسات دەپ ەسەپتەۋگە بولادى. ءبىز بيزنەسپەن بەلسەندى تۇردە بىرگە قىزمەت ەتەمىز، ويتكەنى حالىقتىڭ قىزمەت الۋدا تاڭداۋى بولۋى ءتيىس. بۇل ءوزارا ءىس-قيمىل مورالدىق تۇرعىدان ەسكىرگەن Egov-قا جۇكتەمەنى ايتارلىقتاي ازايتادى جانە مەملەكەتتىك قىزمەتتەردى ۇسىنۋ جونىندەگى جاڭا مۇمكىندىكتەر جاسايدى. ەندى قازاقستاندىقتار مەملەكەتتىك قىزمەتتەردى وزدەرىنە ىڭعايلى جولدارمەن الا الادى».
جوبا اياسىندا قازاقستان رەسپۋبليكاسى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، Kaspi.kz, مەملەكەتتىك كىرىستەر كوميتەتى جانە «ە-ليتسەنزيالاۋ» مەملەكەتتىك دەرەكتەر قورى اقپاراتتىق جۇيەلەرىن ينتەگراتسيالاۋ جۇرگىزىلدى.
"ادىرنا" ۇلتتىق پورتالى
