شىمكەنت قالاسى تۇرعىندارىنىڭ ەڭ كوپ تۇتىناتىن تاعامدارىنىڭ ءبىرى - ءسۇت پەن ءسۇت ونىمدەرى، جۇمىرتقا مەن نان جانە جارما ونىمدەرى بولىپ شىققان. بۇنداي مالىمەتتى قر ۇلتتىق ەكونوميكا مينيسترلىگى ستاتيستيكا كوميتەتى رەسمي سايتىندا جاريالاعان.
ال، شىمكەنتتىكتەردىڭ ەڭ از تۇتىنعان ونىمدەرى بالىق جانە تەڭىز ونىمدەرى مەن ماي جانە مال مايى ەكەن.
ستاتيستەردىڭ مالىمەتىنشە، 2020 جىلعى ءIى توقساندا 2019 جىلعى ءتيىستى توقسانمەن سالىستىرعاندا ءۇي شارۋاشىلىقتارىنىڭ تۇتىنۋ شىعىستارىنداعى ازىق-تۇلىك ونىمدەرىن ساتىپ الۋعا جۇمساعان شىعىستارىنىڭ كوپ ۇلەسى ەت جانە ەت ونىمدەرى مەن نان ونىمدەرى، جارما ونىمدەرى، ءسۇت جانە ءسۇت ونىمدەرىنە تيەسىلى بولعان.
ايتا كەتەيىك، قالادا سەگىز ايدىڭ ىشىندە 100 ميلليون دانادان استام جۇمىرتقا مەن 35,2 مىڭ توننا ءسۇت وندىرىلگەن. ال، ەت ءوندىرىسى 1,1 پروتسەنتكە ارتىپ، 10,6 مىڭ توننانى قۇراعان.
شىمكەنت قالاسى اكىمىنىڭ ءباسپاسوز قىزمەتى
