قازاقستاندا ءبىر جىلدا تەمەكى 13 پايىزعا دەيىن قىمباتتادى. بۇل تۋرالى "ادىرنا" Energyprom.kz - كە سىلتەمە جاساپ حابارلايدى.
ساراپشىلاردىڭ ايتۋىنشا، قىركۇيەك ايىنىڭ باسىندا بولشەك ساۋدا نۇكتەلەرىندەگى ءبىر قوراپ تەمەكىنىڭ قۇنى 489 تەڭگە بولعان، ياعني ءبىر جىلدا 12,7 پايىزعا دەيىن قىمباتتاعان.
"ەڭ قىمبات تەمەكى اقتوبە (534 تەڭگە), نۇر-سۇلتان (521 تەڭگە) جانە تاراز (506 تەڭگە) قالالارىندا تىركەلگەن. ال ەڭ ارزان تەمەكىلەر پەتروپاۆل (468 تەڭگە), قىزىلوردا (471 تەڭگە) جانە پاۆلودار (474 تەڭگە) قالالارىندا تىركەلگەن", - دەلىنگەن ساراپشىلاردىڭ زەرتتەۋىندە.
"ادىرنا" ۇلتتىق پورتالى
