وسى جىلدىڭ ەكىنشى توقسانىندا تابىسى تومەنگى كۇنكورىس دەڭگەيىنەن از تۇرعىندار سانى 5,7% دەيىن ءوستى ء(بىر جىل بۇرىن 4,3%). بۇل – 2011 جىلدان بەرگى ەڭ ناشار كورسەتكىش، دەپ حابارلادى finprom.kz. اتالعان جاعداي ەلدەگى ەكونوميكالىق بەلسەندىلىكتىڭ تومەندەۋى، سونداي-اق «كوروناۆيرۋستىق داعدارىستىڭ» سالدارىنان بولعان دەپ حابارلايدى «ادىرنا» ۇلتتىق پورتالى 24.kz. اگەنتتىگىنە سىلتەمە جاساپ.
ەسكە سالايىق، 2020 جىلدىڭ ەكىنشى توقسانىندا قازاقستاندا جان باسىنا شاققانداعى ەڭ تومەنگى كۇنكورىس دەڭگەيى 32,6 مىڭ تەڭگەنى قۇرادى. جالپى، تابىسى تومەنگى كۇنكورىس دەڭگەيىنەن از تۇرعىندار سانى 1,1 ملن ادامدى قۇرادى. قالا مەن اۋىلدىق جەرلەردە كورسەتكىشتەر بويىنشا ايتارلىقتاي ايىرماشىلىق بار.
ماسەلەن، كىرىسى كۇنكورىس دەڭگەيىنەن از قازاقستاندىقتاردىڭ 7,8%-ءى اۋىلدىق جەرلەردە، 4,2%-ءى قالالاردا تۇرادى. اتالعان كورسەتكىش ەلىمىزدىڭ بارلىق ايماعىندا بايقالادى.
وسى جىلدىڭ ەكىنشى توقسانىندا كەدەيلىكتىڭ ەڭ جوعارى دەڭگەيى تۇركىستان وبلىسىندا (12,8%), سولتۇستىك قازاقستاندا (7,4%), جامبىل وبلىسىندا (6,9%), قىزىلوردا وبلىسىندا (6,9%) جانە اقمولا وبلىسىندا (6,7%) تىركەلدى. جالپى العاندا، وسى بەس ايماقتا كىرىسى كۇنكورىس دەڭگەيىنەن تومەن تۇرعىندار سانى 481,8 مىڭ ادامدى قۇرادى. كەدەيلىكتىڭ ەڭ از دەڭگەيى ەلوردادا (1,4%), سونداي-اق قاراعاندى (2,4%) جانە اتىراۋ وبلىستارىندا (3,1%) تىركەلدى.
