Osy jyldyń ekinshi toqsanynda tabysy tómengi kúnkóris deńgeıinen az turǵyndar sany 5,7% deıin ósti (bir jyl buryn 4,3%). Bul – 2011 jyldan bergi eń nashar kórsetkish, dep habarlady finprom.kz. Atalǵan jaǵdaı eldegi ekonomıkalyq belsendiliktiń tómendeýi, sondaı-aq «koronavırýstyq daǵdarystyń» saldarynan bolǵan dep habarlaıdy «Adyrna» ulttyq portaly 24.kz. agenttigine silteme jasap.
Eske salaıyq, 2020 jyldyń ekinshi toqsanynda Qazaqstanda jan basyna shaqqandaǵy eń tómengi kúnkóris deńgeıi 32,6 myń teńgeni qurady. Jalpy, tabysy tómengi kúnkóris deńgeıinen az turǵyndar sany 1,1 mln adamdy qurady. Qala men aýyldyq jerlerde kórsetkishter boıynsha aıtarlyqtaı aıyrmashylyq bar.
Máselen, kirisi kúnkóris deńgeıinen az qazaqstandyqtardyń 7,8%-i aýyldyq jerlerde, 4,2%-i qalalarda turady. Atalǵan kórsetkish elimizdiń barlyq aımaǵynda baıqalady.
Osy jyldyń ekinshi toqsanynda kedeıliktiń eń joǵary deńgeıi Túrkistan oblysynda (12,8%), Soltústik Qazaqstanda (7,4%), Jambyl oblysynda (6,9%), Qyzylorda oblysynda (6,9%) jáne Aqmola oblysynda (6,7%) tirkeldi. Jalpy alǵanda, osy bes aımaqta kirisi kúnkóris deńgeıinen tómen turǵyndar sany 481,8 myń adamdy qurady. Kedeıliktiń eń az deńgeıi elordada (1,4%), sondaı-aq Qaraǵandy (2,4%) jáne Atyraý oblystarynda (3,1%) tirkeldi.
