ەكىنشى رەت كارانتين جاريالاماس ءۇشىن ۇلىبريتانيا سانيتارلىق تالاپتاردى ورىنداماعاندارعا سالىناتىن ايىپپۇلدى ۇلعايتتى. ونىڭ ەڭ جوعارى مولشەرى 10 مىڭ فۋنتقا دەيىن بارادى. بۇل جاقتا قاتاڭ شەكتەۋ كەمى جارتى جىل بولادى دەپ كۇتىلۋدە. بەتپەردە تاقپاعاندار 200 فۋنت تولەيدى. بۇل ءبىزدىڭ ۆاليۋتاعا شاققاندا 112 625 تەڭگەگە تەڭ، دەپ حابارلايدى "ادىرنا" ۇلتتىق پورتالى atameken.business-كە سىلتەمە جاساپ.
ۆيرۋستىڭ تارالۋىنا جول بەرمەس ءۇشىن ۇلىبريتانيا پرەمەر-ءمينيسترى بوريس دجونسون ەلگە شاما كەلگەنشە ۇيدەن شىقپاي جۇمىس ىستەۋگە كەڭەس بەردى. سونداي-اق، ەلدەگى مەكتەپتەر مەن مەديتسينالىق ورتالىقتاردا ءتارتىپ كۇشەيتىلەدى. ال قوعامدىق ورىنداردا 15 ادامنان ارتىق جينالۋعا تىيىم سالىنعان.
⠀
«كوۆيدپەن كۇرەس – ەڭ ءىرى داعدارىس. كۇللى الەم زاردابىن كورىپ جاتىر. قانشاما ازاماتىمىزدان ايىرىلدىق. شىنى كەرەك، قاتاڭ شەكتەۋلەر ەلدىڭ بوستاندىعىنا نۇقسان كەلتىرگەنىن قالامايمىن. بىراق، ءدال قازىر ءتارتىپتى كۇشەيتپەسەك، لوكداۋن جاريالاۋعا ءماجبۇر بولامىز. ونىڭ قانشالىقتى قيىن ەكەنىن كوردىڭىزدەر»، - دەدى بوريس دجونسون.
