قۇس تۇماۋى العاشىندا سۋ ايدىندارىنا قوناتىن جابايى قۇستاردان انىقتالدى. بۇل تۋرالى قر اۋىل شارۋاشىلىعى ۆيتسە-ءمينيسترى گۇلميرا يساەۆا وكق بريفينگىندە حابارلادى.
بريفينگ بارىسىندا ول: «سولتۇستىك قازاقستان جانە باسقا وڭىرلەردە قۇس تۇماۋى العاشىندا سۋ ايدىندارىنا قوناتىن جابايى قۇستاردان انىقتالدى. سايكەسىنشە، ول سۋ ايدىندارىندا ءۇي قۇستارى دا بولادى. وسىلايشا، ينفەكتسيا تاراعان. اۋرۋدىڭ تارالۋ ايماعىنا قاراپ، جابايى قۇستاردىڭ رەسەي فەدەراتسياسىنان وڭتۇستىككە ۇشاتىنىن، جولدان قازاقستانداعى سۋ ايدىندارىنا دا قوناتىنىن ايتۋعا بولادى»، - دەدى.
ايتا كەتسەك، سقو-نىڭ 17 اۋىلىندا قۇس تۇماۋى تىركەلدى. اقمولا وبلىسىنداعى تاعى ءۇش وڭىردە قۇس تۇماۋىنىڭ بەلگىلەرى انىقتالدى.
"ادىرنا" ۇلتتىق پورتالى
