بريتانياداعى يست-حوتلي تۇرعىندارى قازاقستاندىق وليگارحتى سوتقا بەرمەك دەپ جازادى «ادىرنا» ۇلتتىق پرتالى Arasha.kz سايتىنا سىلتەمە جاساپ.
ولار جىلقى زاۋىتىنىڭ اۋماعىندا 200-دەن استام ءۇي سالۋدى جوسپارلاعان نۇرلان بيزاقوۆ ەلدى مەكەننىڭ تاريحي كەلبەتىنە زيان كەلتىرەدى دەپ سانايدى.
ۇلىبريتانيانىڭ شىعىس ساسسەكس دەپ اتالاتىن گرافستۆوسىنان نۇرلان بيزاقوۆ 2010 جىلى Hesmonds جىلقى زاۋىتىن ساتىپ العان. ءاۋ باستا جەرگىلىكتى جۇرت اسىل تۇقىمدى جۇيرىك وسىرەتىن شارۋاشىلىققا سالىنعان قوماقتى ينۆەستيانى قۇپتاعان. بىراق قازاقستاندىق ازاماتتىڭ 205 تۇرعىن ءۇي كەشەنىن سالۋعا العان رۇقساتى نارازىلىق تۋدىردى.
ولاردىڭ ايتۋىنشا، جىلقى زاۋىتىنىڭ اۋماعىندا قۇرىلىس باستاۋ 12-ءشى عاسىردان بەرى كەلە جاتقان ەلدى مەكەننىڭ تاريحي كەلبەتىن بۇلدىرەدى. «بيزاقوۆ ميلليونداعان قارجىسىن سالعان سوڭ ءبارىمىز ونى قۇرمەتتەدىك. بىراق مۇنداي كولەمدە قۇرىلىس جاساۋ مىڭجىلدان استام تاريحى بار بىرەگەي اۋىلدىڭ كەلبەتىن بۇزادى»، – دەيدى تۇرعىنداردىڭ ءبىرى.
Forbes جۋرنالىنىڭ مالىمەتى بويىنشا، نۇرلان بيزاقوۆ قازاقستانداعى ەڭ باي دەگەن 50 بيزنەسمەننىڭ قاتارىندا. ول قازكوممەرتسبانك، شنوس، نەفتەبانك، سۇمبە جانە قازفوسفات سياقتى كومپانيالاردى باسقارعان. ال، بيزاقوۆتىڭ سايگۇلىكتەرى انگليا جارىستارىنان جۇلدەلى ورىن الىپ ءجۇر.
