Brıtanııadaǵy Ist-Hotlı turǵyndary qazaqstandyq olıgarhty sotqa bermek dep jazady «Adyrna» ulttyq prtaly Arasha.kz saıtyna silteme jasap.
Olar jylqy zaýytynyń aýmaǵynda 200-den astam úı salýdy josparlaǵan Nurlan Bızaqov eldi mekenniń tarıhı kelbetine zııan keltiredi dep sanaıdy.
Ulybrıtanııanyń Shyǵys Sasseks dep atalatyn grafstvosynan Nurlan Bızaqov 2010 jyly Hesmonds jylqy zaýytyn satyp alǵan. Áý basta jergilikti jurt asyl tuqymdy júırik ósiretin sharýashylyqqa salynǵan qomaqty ınvestııany quptaǵan. Biraq qazaqstandyq azamattyń 205 turǵyn úı keshenin salýǵa alǵan ruqsaty narazylyq týdyrdy.
Olardyń aıtýynsha, jylqy zaýytynyń aýmaǵynda qurylys bastaý 12-shi ǵasyrdan beri kele jatqan eldi mekenniń tarıhı kelbetin búldiredi. «Bızaqov mıllıondaǵan qarjysyn salǵan soń bárimiz ony qurmettedik. Biraq mundaı kólemde qurylys jasaý myńjyldan astam tarıhy bar biregeı aýyldyń kelbetin buzady», – deıdi turǵyndardyń biri.
Forbes jýrnalynyń málimeti boıynsha, Nurlan Bızaqov Qazaqstandaǵy eń baı degen 50 bıznesmenniń qatarynda. Ol Qazkommerbank, ShNOS, Neftebank, Súmbe jáne Qazfosfat sııaqty kompanııalardy basqarǵan. Al, Bızaqovtyń sáıgúlikteri Anglııa jarystarynan júldeli oryn alyp júr.
