قازاقستاندا Questra World قارجى پيراميداسىنان 1000-نان اسا ادام زارداپ شەككەن. بۇل تۋرالى ءىىم رەسمي وكىلى ءنۇردىلدا وراز ايتتى، - دەپ حابارلايدى "ادىرنا" ءتىلشىسى.
"ىشكى ىستەر مينيسترلىگىنىڭ تەرگەۋ دەپارتامەنتى 2016-2017 جىلدار ارالىعىندا Questra Holding, Questra World, Atlantic Global Asset Management, Five Winds Asset Managent دەگەن اتاۋلارمەن قارجىلىق پيراميدا قۇرعان بىرقاتار ەلىمىزدىڭ جانە باسقا دا مەملەكەتتەردىڭ ازاماتتارىنا قاتىستى تەرگەۋدى باستادى. ولاردىڭ ارەكەتىنەن مىڭداعان قازاقستاندىق جاپا شەككەن. قاراپايىم ازاماتتار باس-اياعى 1 ميللياردتان اسا قارجىعا الدانعانىن ايتىپ وتىر", - دەدى ءنۇردىلدا وراز.
"ادىرنا" ۇلتتىق پورتالى
