قازاقستاندا "نۇر وتان" پارتياسىنىڭ قاتىسى بار جانجال تۋىندادى. 200-گە جۋىق ادام كورپوراتيۆتىك قورعا اقشا سالعان. ۇيىم تۇرعىن ءۇي ساتىپ الۋعا كومەكتەسۋگە ۋادە بەرگەن. مامىلەلەر سوماسى 1 ملرد 700 ملن تەڭگەنى قۇرادى.
بىراق قور قىزمەتكەرلەرى سالىمشىلارمەن بايلانىسپاعان. ولاردىڭ جۇمىس سحەماسى پيراميداعا ۇقسايدى. ادامدار كەزدەسۋ "نۇر وتان" پارتياسىنىڭ فيليالىندا وتكەندىكتەن قورعا سەنگەنىن ايتتى. بۇل تۋرالى Stan.kz اقپارات اگەنتتىگى "31" ارنانىڭ "
گۇلميرا كاريباەۆ بەس بالاسى بار، جەسىر ايەل. ول ءوزىنىڭ بالا-شاعاسىمەن دالادا قالعان. ءۇش بولمەلى پاتەرىن 22 ملن تەڭگەگە ساتىپ، اقشانى "وتباسى مەن جاستاردى قولداۋ" قورىنا اۋدارعان. قور "Investment Consulting Agency" جوو-مەن بىرگە جۇمىس ىستەگەن. جاڭا باسپانا الۋعا جەڭىلدىكپەن قارىز بەرۋگە ۋادە بەرگەن.
"مەن كەزدەسۋ "نۇر وتان" پارتياسىنىڭ عيماراتىندا وتكەن سوڭ سەندىم. ەندى بەس بالاممەن قايدا بارارىمدى بىلمەيمىن. ولاردا ءبىر تيىن دا العان جوقپىن. قوڭىراۋعا جاۋاپ بەرمەيدى", - دەدى گۇلميرا كاريباەۆ.
گۇلميرا سياقتى الدانعان ازاماتتار ەلىمىزدە كوپ. ادامداردىڭ سوزىنشە، قور سالىمشىلارعا ءۇيدىڭ جارتى باعاسىنا تەڭ قارجىنى 10 جىلعا 3-7 جىلدىق پايىزبەن بەرۋگە ۋادە بەرگەن. كەلىسىم-شارتقا قول قويعاننان كەيىن سالىمشى قورعا وزىندە بار 50 پايىزدى جانە سومانىڭ 6 پايىزىنا تەك كوميسسيا اقىسىن اۋدۋراۋى كەرەك.
ءبىر اي ىشىندە قور ساتۋ-ساتىپ الۋ شارتىن جاساسىپ، ءۇيدىڭ تولىق اقىسىن ساتۋشىعا جىبەرۋى كەرەك. ودان كەيىن كليەنت اي سايىن قور مەن جشس-عا بەرەشەگىن تولەپ وتىرادى.
"ولار پرەزەنتاتسياسىن پارتيادا وتكىزدى. انامنىڭ جاسى - 73-تە، كۇن سايىن قوردىڭ باسشىسى وعان نەشە ءتۇرلى جاعىمسىز سوزدەر ايتىپ، اۋديوحابارلاما جىبەرەدى", - دەدى جابىرلەنۋشى الان.
سالىمشىلار كورپوراتيۆتىك قوردىڭ ليتسەنزياسى جوق ەكەنىنە سەنىمدى، ال "نۇر وتان" پارتياسىنىڭ وكىلدەرى بۇعان قاتىسى جوق ەكەنىن ايتىپ اقتالدى. زالدى جالعا بەرگەندەرىن عانا ايتتى. قور ساعاتىنا 5000 تەڭگە تولەگەن. ال وندا قانداي شارا وتكەنىن پارتيا وكىلدەرى بىلمەيدى.
"باس تارتۋ ءۇشىن بىزدە سەبەپ بولمادى. ولار اقشاسىن تولەدى. زالدى قابىلداپ الدى، شاراسى بىتكەن سوڭ، 2 ساعاتتان كەيىن وتكىزدى. بۇل رەتتە الدىن الا ولاردىڭ سەمينار وتكىزەتىنى بەلگىلى ەدى", - دەدى پاۆلودار قالاسىىنداعى "نۇر-وتان" پارتياسىنىڭ زاڭگەرى ايسۇلۋ سەيتكازينا.
قوردىڭ وزىندە پاندەمياعا بايلانىستى قيىندىقتار پايدا بولعانىن مالىمدەدى. سونىمەن قاتار، باسشىلاردىڭ قازىر ۋكراينادا ەكەنىن مالىمدەدى، وندا ولار جوباعا قاتىساتىن اكتسيونەرلەرمەن كەلىسىپ جاتىر.
"سالىمشىلاردىڭ بارىمەن ەسەپ ايىرىسامىز. كەلىسىم-شارت قىركۇيەكتە جاسالادى. كىم اقشاسىن قايتارعىسى كەلسە، قايتارىپ بەرەمىز. كىم ءارى قاراي بارادى، كەلىسىم-شارتقا وتىرامىز", - دەدى "Investment Consulting Agency" جوو ديرەكتورى اقەدىل دۇيسەكەن.
ارنا تىلشىلەرىنە قور قۇجاتتارىن كورسەتۋگە ءسوز بەرگەن، بىراق ءىس جۇزىندە كورسەتپەگەن. ال پوليتسەيلەر كوپشىلىكتەن ارىز تۇسكەنىن مالىمدەدى. "الاياقتىق" بابى بويىنشا ءىس قوزعالعان.
"وتباسى مەن جاستاردى قولداۋ" قورى جابىرلەنۋشىلەردەن تۇرعىن ءۇيدى ءتيىمدى باعامەن الۋعا كومەكتەسۋ ءۇشىن اقشا العان. بىراق قىزمەتىن جالعاستىرماعان. قازىر بۇل فاكتى بويىنشا قق-ءتىڭ "الاياقتىق" بابى بويىنشا قىلمىستىق ءىس قوزعالعان", - دەدى ەسىل اۋدانى پوليتسيا باسقارماسى باستىعىنىڭ ورىنباسارى دياس توقاتوۆ.
سالىمشىلار بولسا، باسپاناسىز قالعانىن ايتىپ شاعىمدانۋدا. ال ساتىپ الۋدى قالاعان ۇيلەرى ساتىلىپ كەتكەن. الدىن الا تولەمدى دە قايتارماعان.
