قازاقستاندا ەڭ كوپ جالاقىنى كىمدەر الادى؟

2020 جىلعى ءىI توقساندا ءبىر قىزمەتكەردىڭ ورتاشا ايلىق اتاۋلى جالاقىسى 212035 تەڭگەنى قۇرادى،- دەپ حابارلايدى ستاتيستيكا كوميتەتى. ەڭ جوعارعى اتاۋلى جالاقى الاتىن ماماندار ءتىزىمى: تاۋ-كەن ءوندىرۋ ونەركاسىبى جانە كارەرلەردى قازۋ – 443,4 مىڭ تەڭگە (ورتاشا رەسپۋبليكالىق دەڭگەيدەن 2,1 ەسەگە استى); قارجى جانە ساقتاندىرۋ قىزمەتىندە – 386,8مىڭ تەڭگە (1,8 ەسەگە استى); كاسىبي، عىلىمي جانە تەحنيكالىق قىزمەتتە – 326مىڭ تەڭگە (1,5 ەسەگە استى); اقپارات جانە بايلانىس سالاسىندا – 273,2 مىڭ تەڭگە (1,3 ەسەگە استى); كولىك جانە جيناقتاۋ سالاسىندا– 233,6 مىڭ تەڭگە (1,1 ەسەگە استى). ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعىنىڭ قىزمەتكەرلەرىندە بەلگىلەندى –127,3مىڭ تەڭگە، بۇل رەسپۋبليكا بويىنشا ورتا كورسەتكىشتەن 40% %-عا تومەن. وڭىرلەر بويىنشا ەڭ جوعارعى ورتاشا جالاقى اتىراۋ وبلىسىندا – 386,4 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,8 ەسەگە ارتىق. ەڭ تومەنگى ورتاشا جالاقى سولتۇستىك قازاقستان وبلىسىندا — 159,3 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 24,9%-عا تومەن.

"ادىرنا" ۇلتتىق پورتالى