نازارباەۆ دوساەۆپەن كەزدەستى
نۇرسۇلتان نازارباەۆ بۇگىن ۇلتتىق بانك توراعاسى ەربولات دوساەۆتى قابىلدادى. ەستەرىڭىزدە بولسا، بيىل اقپان ايىندا ەلباسى ۇلتتىق بانك باسشىسىمەن كەزدەسكەن ەدى. ەندى سول تاپسىرمالارعا ەسەپ ىسپەتتەس بولعان جۇزدەسۋدە دوساەۆ تالاي ماسەلەنى قوزعادى. ەڭ اۋەلى پاندەميا جاعدايىنداعى الەمدىك ەكونوميكانىڭ دامۋىنا بايلانىستى جانە قازاقستاننىڭ ساۋدا-ەكونوميكالىق سەرىكتەستەرىنىڭ نارىقتارىنداعى جاعدايعا قاتىستى بولجامداردى ايتتى. ءارى قارجى نارىعىنداعى جاعداي مەن ەلدەگى اقشا-نەسيە ساياساتىن جۇزەگە اسىرۋ بارىسى تۋرالى باياندادى.
«قارجى نارىعىنداعى جاعداي تۇراقتى. بيىلعى سەگىز ايدا ينفلياتسيا جەتى پايىزعا جەتتى. بۇل كورسەتكىش ءبىز بولجاپ وتىرعان دەڭگەيدە تۇر. بازالىق مولشەرلەمەنى توعىز پايىز دەڭگەيىندە ساقتاپ قالدىق»، – دەدى ە.دوساەۆ.
ايتا كەتەيىك، بيىل قىستاعى كەزدەسۋدە ۇلتتىق بانكتىڭ توراعاسى ەلباسىعا 2020 جىلدىڭ قاڭتارىندا اقشا-نەسيە ساياساتىن جۇزەگە اسىرۋ، ەلدىڭ التىنۆاليۋتا اكتيۆتەرى مەن ۇلتتىق قوردىڭ احۋالى تۋرالى اڭگىمەلەگەن بولاتىن. اتاپ ايتقاندا، «بەس الەۋمەتتىك باستاما» اياسىنداعى مەملەكەتتىك باعدارلامالاردىڭ جۇزەگە اسىرىلۋ بارىسىن ايتىپ، «قاراپايىم زاتتار ەكونوميكاسى» باعدارلاماسىن ىسكە اسىرۋ تاقىرىبى قوزعالعان.
دوسباەۆ: قارجى نارىعىنداعى احۋال تۇراقتى
16.09.2020
1940
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз