Nazarbaev Dosaevpen kezdesti
Nursultan Nazarbaev búgin Ulttyq bank tóraǵasy Erbolat Dosaevty qabyldady. Esterińizde bolsa, bıyl aqpan aıynda Elbasy Ulttyq bank basshysymen kezdesken edi. Endi sol tapsyrmalarǵa esep ispettes bolǵan júzdesýde Dosaev talaı máseleni qozǵady. Eń áýeli pandemııa jaǵdaıyndaǵy álemdik ekonomıkanyń damýyna baılanysty jáne Qazaqstannyń saýda-ekonomıkalyq seriktesteriniń naryqtaryndaǵy jaǵdaıǵa qatysty boljamdardy aıtty. Ári qarjy naryǵyndaǵy jaǵdaı men eldegi aqsha-nesıe saıasatyn júzege asyrý barysy týraly baıandady.
«Qarjy naryǵyndaǵy jaǵdaı turaqty. Bıylǵy segiz aıda ınflıaııa jeti paıyzǵa jetti. Bul kórsetkish biz boljap otyrǵan deńgeıde tur. Bazalyq mólsherlemeni toǵyz paıyz deńgeıinde saqtap qaldyq», – dedi E.Dosaev.
Aıta keteıik, bıyl qystaǵy kezdesýde Ulttyq banktiń tóraǵasy Elbasyǵa 2020 jyldyń qańtarynda aqsha-nesıe saıasatyn júzege asyrý, eldiń altynvalıýta aktıvteri men Ulttyq qordyń ahýaly týraly áńgimelegen bolatyn. Atap aıtqanda, «Bes áleýmettik bastama» aıasyndaǵy memlekettik baǵdarlamalardyń júzege asyrylý barysyn aıtyp, «Qarapaıym zattar ekonomıkasy» baǵdarlamasyn iske asyrý taqyryby qozǵalǵan.
Dosbaev: Qarjy naryǵyndaǵy ahýal turaqty
16.09.2020
1934
Pikirler
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз