شىمكەنت: اۋرۋحانالار مەديتسينالىق تەحنيكالارمەن تولىقتى
شىمكەنت قالاسىنىڭ مەديتسينالىق مەكەمەلەرى جاڭا جەدەل جاردەم كولىكتەرىن پايدالانۋعا الدى. بۇعان دەيىن قالاعا وكپەنى جاساندى جەلدەتۋ اپپاراتتارى، پۋلسوكسيمەترلەر جانە وتتەگى كونتسەنتراتورلارى بار گۋمانيتارلىق جۇك كەلگەن بولاتىن.
اتاپ ايتقاندا، قالاعا 10 وتتەگى كونتسەنتراتورى، 50 پۋلسوكسيمەتر جانە ءبىر وكپەنى جاساندى جەلدەتۋ اپپاراتى ء(وجج) جەتكىزىلدى. سونداي-اق، Shevrolet Damas ماركالى 3 جەدەل جاردەم كولىگى كەلدى.
بۇل كومەك «سامۇرىق-قازىنا» اق مەن قر دەنساۋلىق ساقتاۋ مينيسترلىگى اراسىنداعى ىنتىماقتاستىق تۋرالى مەموراندۋم اياسىندا كورسەتىلدى. «سامۇرىق-قازىنا» اق كومپانيالار توبى قايىرىمدىلىعىنىڭ بىرىڭعاي وپەراتورى – «Samruk-Kazyna Trust» الەۋمەتتىك جوبالاردى دامىتۋ قورى قاجەتتى جابدىقتاردى ساتىپ الىپ، ولاردى وڭىرلەرگە جىبەردى.
«پاندەمياعا بايلانىستى دارىگەرلەر حالىققا مەديتسينالىق كومەك كورسەتۋ ءۇشىن كۇندىز-ءتۇنى جۇمىس ىستەۋدە. كەز كەلگەن كومەك ناۋقاستى دەر كەزىندە ەمدەۋگە ۇلكەن اسەرىن تيگىزىپ وتىر. وسىنداي قيىن-قىستاۋ ۋاقىتتا قول ۇشىن سوزىپ جاتقان جاندارعا العىسىمىز شەكسىز»، - دەيدى شىمكەنت قالالىق جۇقپالى اۋرۋلار اۋرۋحاناسىنىڭ باس دارىگەرى ەرەجەپوۆ باقتىعالي.
شىمكەنت قالاسى اكىمىنىڭ ءباسپاسوز قىزمەتى
