شىمكەنت قالاسىندا COVID-19 جانە ۆيرۋستىق پنەۆمونيانىڭ ىقتيمال ورشۋىنە مەديتسينالىق ۇيىمداردىڭ دايىندىعىن انىقتاۋ بويىنشا وقۋ-جاتتىعۋ وتۋدە. سولاردىڭ ءبىرى اسار شاعىناۋدانىنداعى قالالىق جۇقپالى اۋرۋلار ورتالىعىندا جالعاستى.
وقۋ-جاتتىعۋ بارىسىندا ناۋقاستىڭ شاقىرتۋىنىڭ «103» پۋلتىنە تۇسكەن ساتىنەن باستاپ، ءتيىستى بەلگىلەرى بولعان جاعدايدا ستاتسيونارعا جاتقىزۋعا دەيىنگى باعىتىنىڭ باستان اياق الگوريتىمىنە باسا نازار اۋداردى. بۇل قابىلداۋدى دəرىگەر گۇلنار يساباەۆا جۇرگىزدى.
جاتتىعۋ كەزىندە ءسوز العان قالالىق جۇقپالى اۋرۋلار ورتالىعىنىڭ اعا دəرىگەرى شىرىمبەك بەكەنۇلى: ء"دəرى-دəرمەك تولىق قامتاماسىز ەتىلگەن. وتتەگى اپپاراتتارى جەتكىلىكتى. ال بۇگىنگى وقۋ-جاتتىعۋ - بولجامدى تولقىنعا دايىندىق. مۇنىڭ ماڭىزى زور" دەپ، ءوز پىكىرىن ءبىلدىردى.
وقۋ-جاتتىعۋدىڭ ماقساتى - قالانىڭ بارلىق مەديتسينالىق ۇيىمدارىن كوروناۆيرۋستىق ينفەكتسيامەن كۇرەسكە بارىنشا دايىندىعىن پىسىقتاۋ.
ايتا كەتەيىك، ءىس-شاراعا ينفەكتسيالىق جانە پروۆيزورلى ستاتسيونارلارمەن قاتار مەنشىك نىسانىنا قاراماستان بارلىق بسمك (باستاپقى مەديتسينالىق سانيتارلىق كومەك) ۇيىمدارى قاتىسۋدا. وقۋ-جاتتىعۋ جۇمىستارى 36 بمسك ۇيىمى، 9 دياگنوستيكالىق ورتالىق، 7 پتر زەرتحاناسى جۇمىلدىرىلۋدا.
شىمكەنت اقپاراتتىق-كوممۋنيكاتسيالىق ورتالىعى
