جانداربەك بەكشين 15 قىركۇيەكتە تۇماۋعا قارسى جاپپاي ەگۋ باستالاتىنىن ايتتى، دەپ حابارلايدى Stan.kz اقپارات اگەنتىگى.
"ەرتەڭ تۇماۋعا قارسى جاپپاي ەگۋ باستالادى. قالالىق قوعامدىق دەنساۋلىق ساقتاۋ باسقارماسى دايىندىق جۇمىستارىن جۇرگىزدى. مىسالى، بىلتىر الەۋمەتتىك وسال توپتار ءۇشىن تۇماۋعا قارسى ەكپەنىڭ 100 مىڭ دوزاسى الىندى. ال بيىل ەكپەنىڭ 130 مىڭ دوزاسىن ساتىپ الدىق. سونداي-اق، ءبىز كوروناۆيرۋس ينفەكتسياسىنا بايلانىستى تاعى قوسىمشا تۇماۋعا قارسى ەكپەنىڭ 300 مىڭ دوزاسىن ساتىپ الماقشىمىز. ول قاراشا ايىندا كەلەدى", - دەدى ول قالالىق وڭىرلىك كوممۋنيكاتسيالار قىزمەتىندە وتكەن بريفينگتە.
الماتى قالاسىنىڭ باس سانيتارى بيىل تۇماۋعا قارسى ەكپەنىڭ دوزاسى 4 ەسە ارتقانىن مالىمدەدى.
"ۆاكتسينانىڭ كولەمىن 4 ەسە كوبەيتتىك. بۇل كوروناۆيرۋستىڭ جاڭا تولقىنىنا دايىندىق دەپ ايتۋعا بولادى", - دەدى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى.
