نۇر-سۇلتان قالاسىنىڭ باس سانيتار دارىگەرى ج. پىراليەۆانىڭ قاۋلىسىنا سايكەس ەلوردادا كارانتين رەجيمىن كەزەڭ-كەزەڭىمەن جەڭىلدەتۋ بويىنشا وزگەرىستەر ەنگىزىلدى, - دەپ حابارلايدى «ادىرنا» ۇلتتىق پورتالى.
نۇر-سۇلتاندا 11 قىركۇيەكتەن باستاپ:
- قالاداعى بيزنەس-ورتالىقتار (نوتاريۋس، ادۆوكات بۋحگالتەر جانە كونسالتينگ قىزمەتتەرى، جىلجىمايتىن مۇلىك اگەنتتىكتەرى، جارناما اگەنتتىكتەر، سوت ورىنداۋشىلار، تۋروپەراتورلار جانە ت.ب.) سانيتارلىق-پروفيلاكتيكالىق شارالاردى قاتاڭ ساقتاي وتىرىپ، جۇمىس جانە دەمالىس كۇندەرى ساعات 09.00-دەن 20.00-گە دەيىن جۇمىس ىستەيدى;
- تەاترلىق قويىلىمداردى وتكىزۋگە تىيىم سالۋ پۋنكتى «اتتراكتسيوندارى بار باسسەيندەردىڭ جۇمىسىنا تىيىم سالۋ» سوزدەرىمەن تولىقتىرىلدى. وسى رەتتە، اتتراكتسيوندارى بار باسسەيندەردىڭ جۇمىسىنا تىيىم سالىنا وتىرىپ، «حان شاتىر» ساۋدا، ويىن-ساۋىق ورتالىعىنداعى «SkyBeachClub» جاعاجاي كلۋبىنىڭ قىزمەتىنە رۇقسات بەرىلدى. دەمالۋشىلاردىڭ سانى سىيىمدىلىعىنان 50% اسپاۋى ءتيىس;
- قوعامدىق تاماقتانۋ ورىندارى (مەيرامحانادار، ءدامحانالار، بارلار، اسحانالار) جۇمىس جانە دەمالىس كۇندەرى ساعات 09.00-دەن 24.00-گە دەيىن جۇمىس ىستەيتىن بولادى. قويىلاتىن تالاپ: وتىراتىن ورىندار سانى نىسان ىشىندە – 30-دان، جازعى الاڭدا 30-دان اسپاۋى قاجەت. ۇستەلدەر اراسىنداعى 2 مەتر قاشىقتىق ساقتالۋى ءتيىس. ءبىر ۇستەل باسىندا 4-6 ادامنان وتىرعىزۋعا بولادى.
بۇل رەتتە، تۇرعىن ءۇي عيماراتتارىندا ورنالاسقان قوعامدىق تاماقتانۋ ورىندارى جۇمىس جانە دەمالىس كۇندەرى ساعات 09.00-دەن 22.00-گە دەيىن عانا ىستەيتىن بولادى.
بارلىق قوعامدىق تاماقتانۋ ورنىندا ۇجىمدىق، سالتاناتتى، وتباسىلىق جانە وزگە دە كوپشىلىك ءىس-شارالاردى وتكىزۋگە تىيىم سالىنادى;
- قالاارالىق، وبلىسارالىق اۆتوبۋستار مەن شاعىن اۆتوبۋستار قايتا جۇرە باستايدى;
- ءبىلىم بەرۋ ورتالىقتارىنىڭ، بالالار مەن ەرەسەكتەرگە ارنالعان ورتالىقتاردىڭ، بالالاردى دامىتۋ ورتالىقتارىنىڭ (الدىن الا جازىلۋ بويىنشا، 15 ادامنان اسپايتىن توپتا) قىزمەتى قاتاڭ سانيتارلىق-ەپيدەميولوگيالىق تالاپتار ساقتالا وتىرىپ، جۇمىس كۇندەرى ساعات 09.00-دەن 18.00-گە دەيىن ىستەيتىن بولادى. بۇل رەتتە، اتالمىن مەكەمەلەر دەمالىس جانە مەرەكە كۇندەرى جابىق بولادى;
«نۇر-سۇلتان قالاسىنىڭ ىشكى ساياسات باسقارماسى قابىلدانىپ جاتقان شارالار تۋرالى بۇقارالىق اقپارات قۇرالدارىندا، الەۋمەتتىك جەلىلەر مەن مەسسەندجەرلەردە اقپارات تاراتۋدى قامتاماسىز ەتسىن. ادام مەن ازاماتتىڭ، قوعام مەن مەملەكەتتىڭ قاۋىپسىزدىگىن قامتاماسىز ەتۋگە باعىتتالعان شەشىمنىڭ ماڭىزدىلىعى ءتۇسىندىرىلسىن.
وسى قاۋلى بارلىق مۇددەلى مەملەكەتتىك ورگاندارعا، ۇيىمدارعا، كاسىپكەرلىك سۋبەكتىلەرى مەن قالا تۇرعىندارىنا جەتكىزىلسىن.
نۇر-سۇلتان قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ اۋداندىق باسقارمالارى پوليتسيا دەپارتامەنتىمەن بىرلەسە وتىرىپ، قاۋلىنىڭ ورىندالۋىنا قاتاڭ باقىلاۋ جۇرگىزسىن.
مەنشىك فورماسىنا قاراماستان، بارلىق جەكە جانە زاڭدى تۇلعالار قاۋلىنى ورىنداۋعا مىندەتتى.
قۇجات قول قويىلعان كۇننەن باستاپ كۇشىنە ەنەدى»، - دەلىنگەن ەلوردانىڭ باس سانيتار دارىگەرى ج.پىراليەۆانىڭ قاۋلىسىندا.
قاۋلى 11 قىركۇيەك كۇنى ماقۇلدانعان.
فوتو اشىق دەرەككوزدەن الىندى
«ادىرنا» ۇلتتىق پورتالى
