الماتى وبلىسىندا وسى جىلدىڭ 30 تامىزىندا حابار-وشارسىز كەتكەن 17 جاسار راۆيل اۆامۋسليموۆتىڭ دەنەسى تابىلدى، دەپ حابارلايدى Stan.kz اقپارات اگەنتتىگى.
Polisia.kz مالىمەتىنشە، ءجاسوسپىرىمنىڭ دەنەسىن ەڭبەكشىقازاق اۋدانى شەلەك اۋىلىنىڭ 45 جاستاعى تۇرعىنى تاپقان. ەر ادام 11 قىركۇيەكتە پوليتسياعا قوڭىراۋ شالىپ، شەلەك اۋىلىنان ءۇش شاقىرىم جەردە كول جاعاسىندا بالىق اۋلاۋ كەزىندە جاس جىگىتتىڭ جانسىز دەنەسىن كورگەنىن حابارلاعان.
وقيعا ورنىنا بارعان جەدەل-تەرگەۋ توبى مارقۇم جوعالىپ كەتكەندەر تىزىمىندە تۇرعان 17 جاسار راۆيل اۆامۋسليموۆ ەكەنىن انىقتادى.
ءجاسوسپىرىمنىڭ ءولىمىنىڭ سەبەبى بەلگىسىز. سوت-مەديتسينالىق ساراپتاما تاعايىندالدى.
ەسكە سالا كەتەيىك، راۆيل اۆامۋسليموۆ بيىل 30 تامىزدا ەڭبەكشىقازاق اۋدانى شەلەك اۋىلىندا جوعالىپ كەتكەن. پوليتسياعا بالانىڭ تۋىستارى جۇگىندى. ۋاكىلەتتى ورگاندار ەرىكتىلەرمەن بىرگە ءجاسوسپىرىمدى بەلسەندى تۇردە ىزدەستىردى.
