ەلوردانىڭ حالىق كوپ شوعىرلاناتىن ورىندارىندا ۇرلىق جاساۋمەن اينالىسىپ جۇرگەن 57 جاستاعى ايەل ۇستالدى،-دەپ حابارلايدى Adyrna.kz نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
ءباسپاسوز قىزمەتىنىڭ مالىمەتتەرىنە قاراعاندا، شىعىس قازاقستان وبلىسىنىڭ 57 جاستاعى تۋماسى ءتۇرلى باپتار بويىنشا بۇرىن 10 رەت ءىستى بولعان. سونداي-اق، جەكە مۇلىك ۇرلىعى ءۇشىن 5 رەت قىلمىستىق جاۋاپقا تارتىلعان. سوعان قاراماستان ول قىلمىس جاساۋىن توقتاتپاعان. ول «كاسىبىن» نەگىزىنەن بازار، ساۋدا ۇيلەرى جانە ءىرى ساۋدا-ويىن-ساۋىق ورتالىقتارى سياقتى جەرلەردە جۇزەگە اسىرىپ كەلگەن. «بىردە ورتالىق بازارداعى بۋتيككە كىرىپ، ءبىر ايەلدىڭ ۇيالى تەلەفونى مەن 205 مىڭ تەڭگەسى بار سومكەسىن ۇرلاپ كەتكەن. وسىعان ۇقساس ۇرلىقتاردى «شانحاي» بازارى مەن «داۋلەت» ساۋدا ءۇيىنىڭ اۋماعىندا دا جاساعان. مۇندا دا سورەدە جاتقان سومكەلەردى ۇرلاپ كەتكەن، ونىڭ بىرەۋىندە 150 مىڭ تەڭگە بولعان. تاعى ءبىر سومكەدە 250 مىڭ تەڭگە، سونداي-اق بانك كارتالارى، قۇجاتتار مەن ءدارى-دارمەكتەر (شىعىن 500 مىڭ تەڭگە) بولعان. «جەدەل-ىزدەستىرۋ ءىس-شارالارى بارىسىندا انىقتالىپ، ۇستالعان كۇدىكتى پوليتسياعا جەتكىزىلىپ، وسى ۇرلىقتاردى جاساعانىن مويىندادى. اتالعان فاكتىلەر بويىنشا قر قك 188-بابى («ۇرلىق») بويىنشا سوتقا دەيىنگى تەرگەۋ امالدارى جۇرگىزىلۋدە. ۇستالعان ازامات قاماۋدا وتىر. تەرگەۋ جۇرگىزىلىپ، ونىڭ ەلوردا اۋماعىندا بۇرىن جاسالعان ۇقساس قىلمىستارعا قاتىستىلىعى انىقتالۋدا. وسى ادامنىڭ زاڭعا قايشى ارەكەتتەرىنەن زارداپ شەككەندەر بولسا، بەيبىتشىلىك، 19 مەكەنجايى بويىنشا نۇر-سۇلتان قالاسىنىڭ پوليتسيا دەپارتامەنتىنە حابارلاسىپ، نەمەسە 8 (7172) 71-61-51; 71-60-69, 87025009729 جانە «102» نومىرىنە قوڭىراۋ شالا الادى»،-دەلىنگەن پوليتسيا حابارلاماسىندا.
"ادىرنا" ۇلتتىق پورتالى
