ەلىمىزدە پاندەميا جانە داعدارىس كەزەڭىنە قاراماستان بانكتەردەگى دەپوزيت مولشەرى 13 پايىزعا ارتقان. ازاماتتار بانكتەگى دەپوزيتتىڭ ەركىن ءتۇرىن، ياعني قاراجاتتى كەز كەلگەن ۋاقىتتا جەكە شوتتان الۋعا بولاتىن جانە اقشانى قالاعان ۋاقىتتا الۋعا مۇمكىندىك بەرمەيتىن تۇرلەرىن پايدالانادى. سونداي-اق دەپوزيت ءتۇرىن قاراستىرعاندا ۇلتتىق ۆاليۋتانى نەمەسە شەتەل ۆاليۋتاسىن تاڭدايدى.
مىسالى، دوللارمەن اشىلعان دەپوزيتتىڭ جىلدىق پايىزدىق مولشەرلەمەسى 1% بولسا، 2020 جىلدىڭ قىركۇيەك ايىندا اشىلعان تەڭگەلىك دەپوزيتتىڭ مولشەرلەمەسى 9% بولىپ بەكىتىلگەن.
Finprom.kz مونيتورينگتىك اگەنتتىگىنىڭ مالىمەتىنە سۇيەنسەك، ەلىمىزدىڭ 27 بانكىندە جەكە تۇلعالاردىڭ اتىنان اشىلعان دەپوزيتتە جينالعان قاراجات مولشەرى 9,85 تريلليون تەڭگەنى قۇرادى.
ازاماتتاردىڭ جەكە دەپوزيتتەرىنىڭ ۇشتەن ءبىر بولىگى دەرلىك Halyk بانكتە جينالعان. جالپى سوما 3,39 ترلن تەڭگە. ءوسىم 7,2%. سونىمەن قاتار، Kaspi Bank – 1,7 ترلن تەڭگە، سالىستىرمالى تۇردە ءوسىم 30%-عا جوعارىلاعان.
ال زاڭدى تۇلعالاردىڭ باسىم كوپشىلىگى بانك حوۋم كرەديتتى تاڭداعان. بانكتە ءوسىم 55%-دى قۇراپ، 105,7 ملرد تەڭگەنى كورسەتىپ تۇر.
سونداي-اق يسلامدىق زامان بانكىندە دەپوزيت كولەمى 20 ميلليوننان 30 ميلليون تەڭگەگە وسكەن.
ءۇشىنشى ورىن كزي بانكىندە. سوڭعى مالىمەتكە سايكەس بانكتەگى سالىمداردىڭ بارلىعى 9 ملرد تەڭگە بولعان. وتكەن جىلى بۇل سوما 5,9 ملرد تەڭگەنى قۇراعان ەدى.
ال دەپوزيتتەگى سالىم مولشەرى ءتۇسىپ كەتكەن 8 بانكتىڭ ىشىندە Capital Bank Kazakhstan ءبىرىنشى ورىندا. ەكىنشى ورىنعا Tengri Bank, ال ءۇشىنشى ورىنعا قىتاي ساۋدا-وندىرىستىك بانكى جايعاستى.
"ادىرنا" ۇلتتىق پورتالى
