Qazaqstandyqtar aqshany qaı bankte saqtaıdy?

2167
Adyrna.kz Telegram

Elimizde pandemııa jáne daǵdarys kezeńine qaramastan bankterdegi depozıt mólsheri 13 paıyzǵa artqan. Azamattar banktegi depozıttiń erkin túrin, ıaǵnı qarajatty kez kelgen ýaqytta jeke shottan alýǵa bolatyn jáne aqshany qalaǵan ýaqytta alýǵa múmkindik bermeıtin túrlerin paıdalanady. Sondaı-aq depozıt túrin qarastyrǵanda ulttyq valıýtany nemese shetel valıýtasyn tańdaıdy.

Mysaly, dollarmen ashylǵan depozıttiń jyldyq paıyzdyq mólsherlemesi 1% bolsa, 2020 jyldyń qyrkúıek aıynda ashylǵan teńgelik depozıttiń mólsherlemesi  9% bolyp bekitilgen.

Finprom.kz monıtorıngtik agenttiginiń málimetine súıensek, elimizdiń 27 bankinde jeke tulǵalardyń atynan ashylǵan depozıtte jınalǵan qarajat mólsheri  9,85 trıllıon teńgeni qurady.

Azamattardyń jeke depozıtteriniń úshten bir bóligi derlik Halyk bankte jınalǵan. Jalpy soma 3,39 trln teńge. Ósim 7,2%. Sonymen qatar, Kaspi Bank – 1,7 trln teńge, salystyrmaly túrde ósim 30%-ǵa joǵarylaǵan.

Al zańdy tulǵalardyń basym kópshiligi Bank Hoým Kredıtti tańdaǵan. Bankte  ósim 55%-dy qurap, 105,7 mlrd teńgeni kórsetip tur.

Sondaı-aq ıslamdyq Zaman Bankinde  depozıt kólemi 20 mıllıonnan 30 mıllıon teńgege ósken.

Úshinshi oryn KZI Bankinde. Sońǵy málimetke sáıkes banktegi salymdardyń barlyǵy 9 mlrd teńge bolǵan. Ótken jyly bul soma 5,9 mlrd teńgeni quraǵan edi.

Al depozıttegi salym mólsheri túsip ketken 8 banktiń ishinde Capital Bank Kazakhstan birinshi orynda. Ekinshi orynǵa Tengri Bank, al úshinshi orynǵa Qytaı saýda-óndiristik banki jaıǵasty.

"Adyrna" ulttyq portaly 

Pikirler