بەلارۋس قۇلاسا كەلەسى كەزەك رەسەيدىكى مە؟

3014
Adyrna.kz Telegram

«ەگەر بەلارۋس «قۇلاسا»،  كەلەسى كەزەك  رەسەيدىكى»، الەكساندر لۋكاشەنكو رەسەيلىك تەلەارنالارعا بەرگەن سۇحباتىندا. بۇل تۋرالى ادىرنا ۇلتتىق پورتالى ria.ru اقپاراتتىق پورتالىنا سىلتەمە جاساي وتىرىپ حابارلايدى.

لۋكاشەنكو رەسەيلىك جۋرناليستەرگە ايتقان سوزىندە, جاقىندا رەسەيدە بولاتىن "بەلگىلى ءبىر ساياسي وقيعالارعا" بايلانىستى ارقانى كەڭگە سالماعان ءجون دەدى.

«بىلەسىزدەر مە، ءبىز رەسەيلىك باسشىلارمەن بىرگە قانداي ۋاجگە كەلدىك؟ ەگەر بۇگىن بەلارۋس قۇلاسا، كەلەسى كەزەكتە رەسەي بولادى», - دەدى بەلارۋس باسشىسى.

پرەزيدەنت نارازىلىق احۋالىنىڭ كۇردەلىلىگىنە ەرەكشە نازار اۋداردى. «ەگەر ءسىزدەر باي رەسەي مۇنى جەڭە الادى دەپ ويلاساڭىزدار, وندا قاتەلەسەسىزدەر. مەن كوپتەگەن پرەزيدەنتتەرمەن، ۇلكەن دوسىممەن (ونى ۇلكەن اعام دەپ اتايمىن) پۋتينمەن سويلەستىم، مەن وعان ەسكەرتتىم دە: بۇعان قارسى تۇرۋعا بولمايدى», - دەدى لۋكاشەنكو.

ەستەرىڭىزگە سالا كەتەيىك، بەلارۋسسيادا وپوزيتسيانىڭ جاپپاي نارازىلىق اكتسيالارى وسىدان تۋرا ءبىر اي بۇرىن، 9 تامىزدا باستالعان ەدى. وعان سەبەپ، ەلدەگى پرەزيدەنتتىك سايلاۋدان كەيىن، لۋكاشەنكونىڭ 80,1% داۋىس جيناپ التىنشى رەت جەڭىسكە جەتۋى بولدى.

 

«ادىرنا» ۇلتتىق پورتالى

پىكىرلەر