53 جىل بۇرىن (1967) قر پارلامەنتى ءماجىلىسىنىڭ دەپۋتاتى، ەكونوميكالىق رەفورما جانە وڭىرلىك دامۋ كوميتەتىنىڭ مۇشەسى ازات تۇرلىبەكۇلى پەرۋاشەۆ دۇنيەگە كەلدى.
جامبىل وبلىسى قورداي اۋدانىنىڭ تۋماسى، عىلىم كانديداتى. 1984 - 1991 جىلدارى - م. گوركي اتىنداعى ورال مەملەكەتتىك ۋنيۆەرسيتەتى (سۆەردلوۆسك قالاسى); 1995 - 1996 جىلدارى قر پرەزيدەنتى جانىنداعى ۇلتتىق جوعارى مەملەكەتتىك باسقارۋ مەكتەبى (الماتى قالاسى); 1998 - 2000 جىلدارى - جەتىسۋ ەكونوميكالىق ينستيتۋتى (تالدىقورعان قالاسى); 2011 ج. - رف ۇكىمەتى جانىنداعى حالىق شارۋاشىلىعى اكادەمياسىنىڭ دوكتورانتى. ەڭبەك جولىن قيىر سولتۇستىك پورتىندا جۇك تاسۋشى بولىپ باستاعان. 1991 ج. - قازاقستان كومپارتياسى پانفيلوۆ اۋداندىق كوميتەتىنىڭ نۇسقاۋشىسى. 1992 - 1995 جىلدارى - تالدىقورعان وبلىسى اكىمشىلىگىنىڭ كونسۋلتانتى، سەكتور مەڭگەرۋشىسى. 1996 - 1998 جىلدارى - قر پرەزيدەنتى اكىمشىلىگىنىڭ كونسۋلتانتى، سەكتور مەڭگەرۋشىسى. 1998 - 2005 جىلدارى - «قازاقستان ءاليۋمينيى» اق باس ديرەكتورىنىڭ ورىنباسارى، ۆيتسە-پرەزيدەنتى. 2006 ج. - قازاقستان ازاماتتىق پارتياسى ورتالىق كوميتەتىنىڭ ءبىرىنشى حاتشىسى. 2006 - 2011 جىلدارى «اتامەكەن» قۇەپ باسقارماسىنىڭ توراعاسى. 2011 جىلعى شىلدەدەن - «اق جول» قدپ توراعاسى. 2012 جىلعى قاڭتاردان - بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «اق جول» قازاقستان دەموكراتيالىق پارتياسىنىڭ فراكتسيا جەتەكشىسى. 2016 جىلعى ناۋرىزدان قازىرگى قىزمەتىندە. ءىىى دارەجەلى «بارىس» وردەنىمەن (2008 ج.) ماراپاتتالعان، «قازاقستان ءاليۋمينيى» اق ەڭبەك سىڭىرگەن قىزمەتكەرى (2005 جىلى).
