ءبىلىم ءمينيسترى اسحات ايماعامبەتوۆ “پەداگوگ مارتەبەسى” زاڭ نورمالارى بويىنشا بىرقاتار شارۋالاردى تاپسىرعان بولاتىن. بۇعان دەيىن ءبىلىم بەرۋ سالاسىندا ءتۇرلى قۇقىقبۇزۋشىلىقتار ورىن الىپ، زاڭسىز ارەكەتتەر دە تىركەلگەن بولاتىن. وسى ولقىلىقتاردىڭ الدىن الۋ ءۇشىن ارنايى كەڭەس قۇرىلدى. جازا رەتىندە اكىمشىلىك جاۋاپكەرشىلىككە تارتۋدان بولەك جۇمىستان بوساتۋ تۋرالى شەشىمدەر دە قابىلدانباق.
“مىنەز-قۇلىق مادەنيەتى، ادەپتىلىك، ادالدىق، ادامنىڭ ار-نامىسى مەن قادىر-قاسيەتىن قۇرمەتتەۋ - پەداگوگيكالىق ەتيكانىڭ نەگىزى”
وسى قاعيدالاردىڭ ساقتالۋىن باقىلاۋ ءۇشىن مينيستر ايماعامبەتوۆ مۇعالىمدەرگە قاتىستى قۇقىقبۇزۋشىلىقتار مەن پەداگوگيكالىق ەتيكانى ورەسكەل بۇزۋ تۋرالى داۋلى ماسەلەلەردى قاراستىراتىن ارنايى القالى ورگان قۇرۋدى تاپسىردى. ينستيتۋت پيلوتتىق رەجيمدە ازىرگە نۇر-سۇلتان قالاسىندا وز جۇمىسىن باستادى.
مۇنداي كەڭەستەر قر ءبىلىم بەرۋ جۇيەسىنە قاجەت پە؟ وسى ورايدا مەكتەپ مۇعالىمدەرى مەن اتا-انالاردىڭ پىكىرىن بىلدىك.
شولپان قادىراليەۆا، اتا-انا:
اينۇر باقىتالىقىزى، قازاق ءتىلى مەن ادەبيەتى ءپانىنىڭ مۇعالىمى:
قانداي جاعداي بولسا دا اتا-انانىكى دۇرىس دەگەن قاعيداعا قارسىمىن. سەبەبى مۇنداي قۇقىق بەرىلگەندىكتەن اتا-انالار كەيدە اسىرا سىلتەپ تە جاتادى. جازىقسىز مۇعالىمنىڭ ۇستىنەن ارىز جازىپ جىبەرگەن جايتتار دا كەزدەسكەن. سوندىقتان اتا-انا قۇقىعىن ءالى دە قاراۋ كەرەك. ارينە، بۇل مۇعالىمدەردى ءوز مىندەتتەرىنەن بوساتپايدى. سەبەبى مۇعالىم ءوز ءپانىن جەتىك ءبىلىپ، ءبىلىمدى بولسا، الدىنا كەلگەن وقۋشىسىن وزىنە باۋراپ الا السا مۇعالىمدى كىم سىيلامايدى؟
ايماعامبەتوۆ كەلىپ قاعازباستىلىقتان ءبىرشاما ارىلعانىمىز راس. الايدا ەسەپ بەرۋ ءالى دە ازايعان جوق. تاربيە ساعاتىن وتسەك، مىندەتتى تۇردە قاعاز تۇرىندەگى ەسەبى مەن فوتو-ەسەبى قوسا سۇرالادى. ال بۇل جۇمىستاردى مۇعالىم ءوزى ءۇشىن، ءوز تاجىريبەسى ءۇشىن وتكىزۋى كەرەك. ەسەپ وقۋشىنىڭ جەتىستىگىمەن ولشەنسە دەيمىن. مۇعالىم وقۋشىنى وليمپياداعا دايىنداپ، ءوزى دە ءجيى جارىستارعا قاتىسىپ تۇرسا مۇعالىمنىڭ ەسەبى دايىن. ياعني، پەداگوگ ناتيجەگە جۇمىس جاساۋ كەرەك. سونىمەن قاتار بۇل جۇمىسىن تازا ورىنداپ جۇرگەن مۇعالىمدەرگە دە ادىلەتتى بولار ەدى. سەبەبى قازىر وليمپياداعا وقۋشى دايىنداپ، ناتيجە كورسەتىپ جاتقان مۇعالىم دە، مەكتەپكە جاي بارىپ-كەلىپ جۇرگەن مۇعالىم دە بىردەي ايلىق الادى. بۇل ءوز كەزەگىندە بەلسەندى مۇعالىمدەر ءۇشىن ادىلەتسىز.
قوعامنىڭ پىكىرى وسىعان سايادى. دەمەك، القالى كەڭەس وسى سىندى ماسەلەلەردى ەسكەرە وتىرىپ جۇمىس جاساسا بەلگىلەنگەن ماقساتقا جەتۋ مۇمكىن بولماق.
“التى الاشتىڭ بالاسى باس قوسسا، ءتور – مۇعالىمدىكى”. ەندەشە پەداگوگ مارتەبەسىن كوتەرۋ بار قازاققا ورتاق مىندەت. ول قازاقستاننىڭ بولاشاق ۇرپاعىن تاربيەلەيتىن ۇلى تۇلعا.
اياۋلىم ءابىلدا،
“ادىرنا” ۇلتتىق پورتالى
