پاندەميا كەزىندە الماتىلىقتاردىڭ كوممۋنالدىق قىزمەتتەرگە قارىزى 2 ەسە وسكەن. بۇل تۋرالى ونلاين بريفينگ بارىسىندا قالالىق ەنەرگەتيكالىق تيىمدىلىك جانە ينفراقۇرىلىمدىق دامۋ باسقارماسىنىڭ باسشىسى اسەت ماساباەۆ ايتتى، دەپ حابارلايدى قازاقپارات ءتىلشىسى.
«پاندەميا كەسىرىنەن جاريالانعان تج ناتيجەسىندە دەبيتورلىق قارىزدار 2 ەسەگە ارتقان. بىلتىردىڭ وزىندە تۇرعىندار مەن زاڭدى تۇلعالاردىڭ دەبيتورلىق قارىزى 2 ملرد تەڭگە بولاتىن. بيىل 4,5 ملرد تەڭگەگە جەتتى. بۇل كوبىنە پاندەميانىڭ كەسىرىنەن بولىپ وتىر. سوندىقتان تۇسىنىستىكپەن قاراپ، وسى باعىتتا جۇمىستى جالعاستىرامىز»، - دەدى باسقارما باسشىسى اسەت ماساباەۆ. سپيكەر قالا تۇرعىندارىن بورىشىنان قۇتىلۋعا شاقىردى. قالانىڭ ەنەرگەتيكالىق كەشەنىنىڭ جۇمىسى دەبيتورلىق قارىزداردىڭ وتەلۋىنە بايلانىستى بولىپ تۇر.
فوتو اشىق دەرەككوزدەن الىندى.
