شىمكەنت قالاسىنىڭ 3549 تۇرعىنى «باستاۋ بيزنەس» باعدارلاماسى بويىنشا كاسىپكەرلىك نەگىزدەرىن مەڭگەرۋ بويىنشا وقىتۋدان ءوتتى. ونىڭ 2820-نا وقۋدى اياقتاعانى تۋرالى سەرتيفيكات بەرىلسە، 729-نا قاتىسقانى تۋرالى سەرتيفيكات تابىستالدى.
كاسىپكەرلىك نەگىزدەرىن مەڭگەرگەن تۇلەكتەر وقۋ اياقتالعان سوڭ تەست تاپسىرادى. ءۇش مۇمكىندىك بەرىلەدى. ەمتيحاننان وتپەسە، تەك وقۋعا قاتىسقانى جونىندە عانا سەرتيفيكات الادى. ەگەر تەستىدەن جاقسى ناتيجە كورسەتسە، وقۋدى بىتىرگەنى جايلى سەرتيفيكات الىپ، گرانتقا ۇمىتكەر بولادى. گرانت قايتارىمسىز، بىراق مونيتورينگتىك توپ ارنايى تەكسەرۋ جۇمىستارىن جۇرگىزىپ وتىرادى. ياعني بۇل – الەۋمەتتىك كومەك ەمەس، كاسىبىن باستاۋشى كىسىلەرگە بيزنەس جوسپارىن ىسكە اسىرۋىنا جاسالىپ جاتقان مۇمكىندىك.
ارنايى قۇرىلعان كوميسسيانىڭ قورىتىندىسىنان كەيىن جوباسى ماقۇلدانعان باعدارلاماعا قاتىسۋشىلار مەملەكەت تاراپىنان بەرىلەتىن 200 اەك كولەمىندەگى گرانتتى الاتىن بولادى.
بيىل كارانتيندىك شارالاردى ەسكەرە وتىرىپ، بۇل جوباعا تىركەلۋ مەن وقۋ قاشىقتىقتان (ونلاين) «Atameken Academy» پلاتفورماسى ارقىلى وتۋدە. جوباعا قاتىسۋشىلار ەڭ الدىمەن حالىقتى جۇمىسپەن قامتۋ ورتالىعىنان جولداما الۋى ءتيىس. ارى قاراي «اتامەكەن» كاسىپكەرلەر پالاتاسىنا كەلمەي-اق، وقۋعا ونلاين تىركەلە الادى. ول ءۇشىن جەكە باسىن كۋالاندىراتىن قۇجاتتى جانە حالىقتى جۇمىسپەن قامتۋ ورتالىعى بەرگەن جولدامانى https://atameken.co/kk/course-bastau سىلتەمەسىنە جۇكتەيدى. وقۋ مەرزىمى – 21 كۇن. دارىستەردى كاسىبي دايىندالعان بيزنەس جاتتىقتىرۋشىلار وقيدى.
شىمكەنت قالاسى اكىمىنىڭ ءباسپاسوز قىزمەتى
