رەسەيلىك ساياساتكەر الەكسەي ناۆالنىيدىڭ ومىرىنە قاۋىپ ءتونىپ تۇرعان جوق، بىراق جۇرگىزىلگەن سىناقتار دەنەدە ۋلانۋدىڭ بەلگىلەرىن راستادى. ناقتى قانداي ۋلى زات ەكەندىگى ءالى انىقتالماعان. بىراق، كلينيكالىق دەرەكتەر حولينەستەرازا بلوكاتورلار توبىنا جاتاتىن ينتوكسيكاتسيانى كورسەتەتىندىگىن بەرليندەگى Charite اۋرۋحاناسىندا حابارلادى.
بۇعان دەيىن گەرمانيا مينيسترلەر كابينەتىنىڭ رەسمي وكىلى شتەففەن زايبەرت اشىق تەرگەۋدى تالاپ ەتىپ: «ناۆالنىيدىڭ ءوزى كەزدەيسوق ۋلانعانباعان، ونى بىرەۋ ۋلاندىرعان دەگەن كۇدىك بار. وكىنىشكە وراي، رەسەيدىڭ سوڭعى تاريحىندا مۇنداي مىسالدار كوپ، سوندىقتان حالىقارالىق قاۋىمداستىق بۇل كۇدىككە تەرەڭ ءمان بەرەدى» دەگەن بولاتىن.
ەستەرىڭىزگە سالا كەتسەك، 20 تامىزدا وپپوزيتسيا قايراتكەرى تومسكىدەن ماسكەۋگە ۇشىپ بارا جاتقان ۇشاقتا ءوزىن ناشار سەزىنىپ، ۇشاعى ومبىعا جەدەل قونعاننان كەيىن جەرگىلىكتى دارىگەرلەر جۇرگىزگەن تالداۋلار ناۆالنىيدىڭ دەنەسىندە ۋلاردىڭ بار ەكەندىگىن جوققا شىعارىپ، «كومىرسۋلاردىڭ تەپە-تەڭدىگى بۇزىلعان» دەگەن دياگنوز قويعان بولاتىن. ال وپپوزيتسيالىق بەلسەندىنىڭ جاقتاستارى ونىڭ اۋەجايدا ۋلانعان شاي ىشكەنىن العا تارتىپ، كەيىن گەرمانياعا ەمدەۋگە الىپ كەتكەن.
"ادىرنا" ۇلتتىق پورتالى
ارنايى Euronews سايتىنان اۋدارىلدى
