نۇر-سۇلتاندا از قامتىلعان وتباسىداعى ءار بالاعا 40 مىڭ تەڭگەدەن بەرىلەدى. بۇل تۋرالى پەداگوگتەردىڭ تامىز كەڭەسىندە ەلوردا اكىمى التاي كولگىنوۆ ايتتى, دەپ حابارلايدى«ادىرنا» ۇلتتىق پورتالى.
«تاعى ءبىر ماڭىزدى تاقىرىپ – وتباسىداعى بالالاردىڭ جاعدايى. جىل سايىن جالپىعا مىندەتتى ورتا ءبىلىم باعدارلاماسى بويىنشا مۇقتاج وقۋشىلارعا ماتەريالدىق كومەك كورسەتىلەدى. وتكەن جىلى از قامتىلعان وتباسىلارداعى ءار بالاعا 30 مىڭ تەڭگە مولشەرىندە كومەك كورسەتتىك. ول كومەكتى 12 700 بالا الدى», – دەدى قالا باسشىسى.
اكىمنىڭ سوزىنشە، وسى جىلى قارجى مولشەرى 10 مىڭ تەڭگەگە ارتىپ 40 مىڭ تەڭگە بولعان. الداعى ۋاقىتتا كوپبالالى وتباسىدا 4 بالا بولسا، 160 مىڭ تەڭگە، 3 بالا بولسا، 120 مىڭ تەڭگە ماتەريالدىق كومەك بولادى.
«ارينە، بۇل قازىرگى جاعدايدا، جۇمىس توقتاپ، شاعىن بيزنەس تاراپىنان 60 ملرد تەڭگە بيۋدجەتكە تۇسپەي قالعان كەزدە قيىن. بىراق سوعان قاراماستان ءبىز, اسىرەسە، از قامتىلعان وتباسىلاردى قولداۋدى جالعاستىرۋدامىز. الايدا قازاقتىڭ جالپاق تىلىمەن ايتقاندا «سۋدىڭ دا سۇراۋى بار». ويتكەنى اتا-انالار قاراجاتتى قولعا بەرىڭدەر دەپ جاتىر. بءىز دە سونى قالادىق. بىراق زاڭ بويىنشاولاي جاساي المايدى ەكەنبىز. سەبەبى ءۇكىمەت قاۋلىسىندا ول قاراجاتتى جۇمساۋدىڭ ناقتى ماقساتى كورسەتىلگەن. ەڭ الدىمەن بالالارعا مەكتەپكە قاجەتتى كيىم-كەشەك, مەكتەپ زاتتارىنالۋ كەرەك. مەملەكەتتىك بيۋدجەت بولعاننان كەيىن ءاربىر تيىننىڭ ەسەبىن بەرۋىمىز كەرەك. سونى تۇسىندىردىك، اتا-انالار ءتۇسىندى»، – دەدى التايكولگىنوۆ.
«ادىرنا» ۇلتتىق پورتالى
