Nur-Sultanda az qamtylǵan otbasyndaǵy ár balaǵa qarjylaı kómek beriledi

3884
Adyrna.kz Telegram

Nur-Sultanda az qamtylǵan otbasydaǵy ár balaǵa 40 myń teńgeden beriledi. Bul raly pedagogterdiń tamyz keńesinde elorda ákimi Altaı Kólginov aıtty, dep habarlaıdy«Adyrna» ulttyq portaly.
«Taǵy bir mańyzdy taqyryp – otbasydaǵy balalardyń jaǵdaıy. Jyl saıyn jalpyǵa mindetti orta bilim baǵdarlamasy boıynsha muqtaj oqýshylarǵa materıaldyq kómek kórsetiledi. Ótken jyly az qamtylǵan otbasylardaǵy ár balaǵa 30 myń teńge mólsherinde kómek kórsettik. Ol kómekti 12 700 bala aldy», – dedi qala basshysy.

Ákimniń sózinshe, osy jyly qarjy mólsheri 10 myń teńgege artyp 40 myń teńge bolǵan. Aldaǵy ýaqytta kópbalaly otbasyda 4 bala bolsa, 160 myń teńge, 3 bala bolsa, 120 myń teńge materıaldyq kómek bolady.

«Árıne, bul qazirgi jaǵdaıda, jumys toqtap, shaǵyn bıznes tarapynan 60 mlrd teńge bıýdjetke túspeı qalǵan kezde qıyn. Biraq soǵan qaramastan biz, ásirese, az qamtylǵan otbasylardy qoldaýdy jalǵastyrýdamyz. Alaıda qazaqtyń jalpaq tilimen aıtqanda «sýdyń da suraýy bar». Óıtkeni ata-analar qarajatty qolǵa berińder dep jatyr. Biz de sony qaladyq. Biraq zań boıynshaolaı jasaı almaıdy ekenbiz. Sebebi Úkimet qaýlysynda ol qarajatty jumsaýdyń naqty maqsaty kórsetilgen. Eń aldymen balalarǵa mektepke qajetti kıim-keshek, mektep zattarynalý kerek. Memlekettik bıýdjet bolǵannan keıin árbir tıynnyń esebin berýimiz kerek. Sony túsindirdik, ata-analar túsindi»,dedi AltaıKólginov.

 

«Adyrna» ulttyq portaly

Pikirler