قازاقستان بالا تاربيەسى بويىنشا نەشىنشى ورىندا؟

3214
Adyrna.kz Telegram

پرەمەر-ءمينيستردىڭ ورىنباسارى ەرالى توعجانوۆ قازاقستانداعى ءبىلىم بەرۋ سالاسىن دامىتۋ بويىنشا شارالار قابىلداۋ قاجەت ەكەنىن مالىمدەدى، دەپ حابارلايدى «ادىرنا» ۇلتتىق پورتالى «Azattyq Ruhy» سايتىنا ءسىلتەپ.

«الەمدىك رەيتينگتە قازاقستان بالا تاربيەسى بويىنشا ەڭ سوڭعى 73-ورىندا تۇر. وقۋشىلاردىڭ ءبىلىم جەتىستىكتەرىن باعالاۋدىڭ حالىقارالىق باعدارلاماسى، ياعني، PISA ناتيجەسى وقۋشىلارىمىزدىڭ ساۋاتتىلىعىنىڭ تومەندەپ كەتكەنىن كورسەتتى. كەرى كەتۋ تەندەنتسياسى بايقالادى. سوندىقتان اناليز جاساپ, ءبىلىم بەرۋ سالاسىن جاقسارتۋعا قاجەتتى شارالاردى تەز ارادا قابىلداۋ قاجەت»، - دەدى ەرالى توعجانوۆ.

ول قازاقستانداعى جوعارى ءبىلىم بەرۋ سالاسىن دا سىنعا الدى.

«ءبىز جوعارى وقۋ ورنىنىڭ دەۆالۆاتسياسىن بايقاپ وتىرمىز. سوندىقتان دا جاستار شەتەلدە وقۋدى تاڭدايدى. جوعارى وقۋ ورىندارىنداعى عىلىمي-زەرتتەۋ جۇمىسى دا ناشار دەڭگەيدە. سوڭعى رەيتينگ بويىنشا ەلىمىز 133 مەملەكەتتەن 81-ورىندا تۇر»، - دەدى پرەمەر-ءمينيستردىڭ ورىنباسارى.

 

«ادىرنا» ۇلتتىق پورتالى

 

پىكىرلەر