Premer-mınıstrdiń orynbasary Eraly Toǵjanov Qazaqstandaǵy bilim berý salasyn damytý boıynsha sharalar qabyldaý qajet ekenin málimdedi, dep habarlaıdy «Adyrna» ulttyq portaly «Azattyq Ruhy» saıtyna siltep.
«Álemdik reıtıngte Qazaqstan bala tárbıesi boıynsha eń sońǵy 73-orynda tur. Oqýshylardyń bilim jetistikterin baǵalaýdyń halyqaralyq baǵdarlamasy, ıaǵnı, PISA nátıjesi oqýshylarymyzdyń saýattylyǵynyń tómendep ketkenin kórsetti. Keri ketý tendenııasy baıqalady. Sondyqtan analız jasap, bilim berý salasyn jaqsartýǵa qajetti sharalardy tez arada qabyldaý qajet», - dedi Eraly Toǵjanov.
Ol Qazaqstandaǵy joǵary bilim berý salasyn da synǵa aldy.
«Biz joǵary oqý ornynyń devalvaııasyn baıqap otyrmyz. Sondyqtan da jastar shetelde oqýdy tańdaıdy. Joǵary oqý oryndaryndaǵy ǵylymı-zertteý jumysy da nashar deńgeıde. Sońǵy reıtıng boıynsha elimiz 133 memleketten 81-orynda tur», - dedi Premer-Mınıstrdiń orynbasary.
«Adyrna» ulttyq portaly
