ونلاين وقىتۋعا اتا-انالار مەن ۇستازدار تۇسىنىستىكپەن قاراۋ كەرەك. بۇل تۋرالى پرەمەر ءمينيستردىڭ ورىنباسارى ەرالى توعجانوۆ پەداگوگتار مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىنىڭ ونلاين پلەنارلىق وتىرىسىندا ايتتى دەپ حابارلايدى «ادىرنا» ۇلتتىق پورتالى BAQ.KZ سايتىنا سىلتەمە جاساپ.
ەرالى توعجانوۆتىڭ ايتۋىنشا، بالالاردىڭ قاۋىپسىزدىگى مەن دەنساۋلىعى ءبىرىنشى ورىندا بولۋى ءتيىس.
بالالاردىڭ قاۋىپسىزدىگىن قامتاماسىز ەتە الماساق ءبىزدى ەشكىم كەشىرمەيدى. پاندەميانىڭ قاۋىپى ءالى سەيىلگەن جوق. سوندىقتان شىدامدىلىق تانىتىپ، ونلاين وقىتۋدى ىسكە اسىرۋىمىز ءتيىس. ءبىلىم بەرۋ سالاسى ونلاين وقىتۋعا دايىن بولماي شىققانىن وتكەن وقۋ جىلىنىڭ سوڭعى توقسانىندا كوردىك. مۇنداي قىيىندىقتى الەمنىڭ كوپتەگەن ەلدەرى باستان وتكەردى. سول كەزدە كەتكەن كەمشىلىكتەردى جويۋعا ۋاقىت بولدى. الايدا كۇنى كەشە كوپتەگەن ايماقتار ءالى دايىن ەمەس ەكەندىگى بەلگىلى بولدى، - دەيدى ەرالى توعجانوۆ.
سونداي-اق، ول ايماق باسشىلارى مەن ءتيىستى ۆەدومستۆولاردى جەدەل شارا قولدانۋعا شاقىردى.
ەرالى توعجانوۆتىڭ ايتۋىنشا، كەزەكشى سىنىپتار مەن مەكتەپتەر سانيتارلىق شارالاردىڭ ءبارى ساقتالۋى ءتيىس، ونى قاداعالاۋ ماسەلەسىنە ەرەكشە نازار اۋدارۋ قاجەت.
