اسحات ايماعامبەتوۆ سەرتيفيكاتتار، ديپلومدار، مەدالدار ساتاتىن ۇيىمداردىڭ جولىن كەسپەك دەپ حابارلايدى «ادىرنا» ۇلتتىق پورتالى قازاقپاراتقا سىلتەمە جاساپ. قر ءبىلىم جانە عىلىم ءمينيسترى اسحات ايماعامبەتوۆ سەرتيفيكاتتار، ءتۇرلى ديپلومدار، مەدالدار، ەرەكشەلىك بەلگىلەرىن ساتۋمەن اينالىساتىن ۇيىمداردىڭ جولىن كەسۋگە ۋادە بەردى.
«كاسىبي دامىتۋ ورتالىعى دەپ اتالاتىن ۇيىمدار قاپتاپ كەتتى. ال ءىس جۇزىندە ولار سەرتيفيكاتتار، ءتۇرلى ديپلومدار، مەدالدار، ەرەكشەلىك بەلگىلەرىن ساتۋمەن اينالىسادى. ءبىز ولاردىڭ قىزمەتىنىڭ جولىن كەسۋ قاجەت دەپ سانايمىز جانە پەداگوگتار مۇنداي «قارماققا» ءىلىنىپ قالماۋى ءتيىس»، - دەدى مينيستر پەداگوگتار مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسى بارىسىندا. ونىڭ ايتۋىنشا، اتالعان جايتقا بايلانىستى قازىرگى ۋاقىتتا بۇيرىقتار مەن نورماتيۆتىك-قۇقىقتىق اكتىلەرگە وزگەرىستەر ەنگىزىلەتىن بولادى. «بۇل پەداگوگتاردىڭ وسىنداي ناگرادالاردى جيناۋىنا مۇمكىندىك بەرمەۋ ءۇشىن جاسالادى. ال ۆەدومستۆولىق ناگرادالارعا قاتىستى ايتار بولسام، بۇل جەردە دە اشىقتىق قامتاماسىز ەتىلەدى»، - دەدى اسحات ايماعامبەتوۆ.
فوتو اشىق دەرەككوزدەردەن الىندى.
