قاراشانىڭ باسىندا قازاقستاندا كۇنىنە 80-100 ادام كوروناۆيرۋستان قايتىس بولادى دەپ ەسەپتەيدى الماز شارمان.
«ۆاشينگتون ۋنيۆەرسيتەتىندەگى Chris Murray مودەلىنە سايكەس، قاراشا ايىنىڭ باسىندا قازاقستاندا COVID-19 دەرتىنە 50 مىڭ ادام شالدىعىپ، كۇنىنە 80-100 ادام قايتىس بولادى. دجونس حوپكينس ۋنيۆەرسيتەتىندە كوپ جىل قىزمەت ەتتىم، ءالى دە ارىپتەستەرىممەن اكادەميالىق بايلانىستامىن. COVID-19-تىڭ جاعدايىنا بايلانىستى ارى قارايعى جاعدايدى ەسكەرىپ، دەنساۋلىق ساقتاۋ سالاسىن مودەرنيزاتسيالاپ، ەكونوميكاسىن جەدەلدەتۋ بويىنشا ۇكىمەتكە جوبا ۇسىنعان ەدىم»، – دەيدى الماز شارمان اسقار مامينمەن «ەل ءۇمىتى» باعدارلاماسى اياسىندا وتكەن كەزدەسۋدە.
«ديابەت اۋرۋىمەن اۋراتىندار، سەمىزدىكپەن كۇرەسپەگەندەر، جۇرەگى اۋراتىندار، مەتابيولوگيالىق سيندرومى بار جاندارعا كوروناۆيرۋس جۇقتىرۋ 80 پايىز قاۋىپتى. وسىعان بايلانىستى رەسۋرستاردى سوزىلمالى اۋرۋلارى بار جاندارعا جۇمساۋ كەرەك. دەننىڭ ساۋلىعى بالا كەزدەن شىنىعۋدان باستالادى. سوندىقتان اتا-انالار مەن ۇستازدار بۇعان اسا ءمان بەرگەنى ءجون» دەپ ەسەپتەيدى پروفەسسور.
الماز تورەگەلدىۇلىنىڭ سوزىنشە، قوعامدىق دەنسۋلىق ساقتاۋ ماماندارى بۇۇ، يۋنيسەف بالالار قورلارىمەن تىعىز بايلانىستا. پادەنياعا بايلانىستى جۇمىستاردى قارجىلاندىرۋعا ەكى جاۇتا قىزىعۋشىلىق تانىتىپ وتىر.
بالالاردىڭ ساناسىن وزگەرتىپ، باسقا قۇندىلىقتاردىڭ ماڭىزىد ەكەنىن ۇقتىرۋ اسا قاجەت دەپ ەسەپتەيدى مەديتسينا مامانى. سوندا ولار پەندەمياعا دا، باسقا دا اۋىر جاعدايلارعا دايىن بولادى.
malim.kz
