شىمكەنت قالاسىنىڭ اكىمى مۇرات ايتەنوۆتىڭ ونلاين قابىلداۋىنا جازىلعان ەرلى-زايىپتىلار تۇرعىن ءۇي سالاسى بويىنشا ماسەلەسىن ورتاعا سالدى.
ولاردىڭ ايتۋىنشا كەزەگى جەتىپ مەملەكەت تاراپىنان بەرىلىپ جاتقان 2 بولمەلى پاتەردىڭ وتباسى مۇشەلەرى ءۇشىن تار بولاتىنىن جەتكىزدى. سونىمەن قاتار، ءۇيدىڭ وتاعاسى ايەلى اليمحانوۆا دينانى مۇمكىندى شەكتەۋلى ازاماتتار توبىنا كىرگىزۋ جونىندە ءوتىنىشىن ءبىلدىردى.
«قازىرگى تاڭدا ءۇش بولمەلى پاتەرلەردىڭ بوس بولماۋىنا بايلانىستى، سىزدەرگە ەكى بولمەلى پاتەر ۇسىنىلعان بولاتىن. جىل سوڭىنا دەيىن پايدالانۋعا بەرىلەتىن تۇرعىنۇيلەردەن وتباسىڭىز ءۇش بولمەلى پاتەر كىلتىن الاتىن بولادى. وكىنىشكە وراي، مەملەكەت تاراپىنان ءتورت نە ودان كوپ بولمەلى پاتەرلەر سالىنىپ جاتقان جوق. ءبىز تۇرعىندار ءۇشىن زاڭ اياسىندا بارلىق مۇمكىندىكتى قاراستىرامىز»، - دەدى مۇرات دۇيسەنبەكۇلى.
سونىمەن قاتار، ونلاين قابىلداۋ بارىسىندا جەر قۇجاتتارىن راسىمدەۋ، بيزنەس جوسپارىنا قولداۋ ءبىلدىرۋ سىندى ماسەلەلەر كوتەرىلدى.
مۇرات ايتەنوۆ تۇرعىنداردىڭ ارىز-شاعىمدارى بويىنشا ءتيىستى سالا باسشىلارىنا تاپسىرمالار بەرىپ، ءوز باقىلاۋىنا العانىن ايتتى.
شىمكەنت قالاسى اكىمىنىڭ ءباسپاسوز قىزمەتى
