وپپوزيتسيانىڭ كورنەكتى جەتەكشىسىنىڭ ءحالى اۋىر، بىراق تۇراقتى كۇيدە ەكەندىگى حابارلاندى. سىبىردە ول ماسكەۋگە ۇشقاننان كەيىن شۇعىل قونۋعا ءماجبۇر بولدى.
الەكسەي ناۆالنىي ماسكەۋگە تاڭەرتەڭگى رەيسكە تاپسىرىس بەرگەن سوڭ،سىبىردەگى تومسك قالاسىنىڭ اۋەجايىندا تاڭعى اسقا ءبىر شىنى شاي ءىشتى. بەيسەنبىدە رەيس ۇشىپ شىققاننان سوڭ كوپ ۇزاماي،الەكسەي قاتتى اۋىرىپ دارەتحاناعا باردى.
2000 ميلگە جۋىق ۇشقاننان سوڭ، ۇشاق شۇعىل قونۋعا ءماجبۇر بولدى . رەسەيدىڭ ەڭ كورنەكتى وپپوزيتسيا جەتەكشىسى الەكسەي ناۆالنىي مىرزا ەسىنەن تانىپ قالا جازداپ، جولدا كۇتىپ تۇرعان جەدەل جاردەم كولىگىنە جەتكىزىلدى. .
ناۆالنىيدىڭ وكىلى، ونىمەن بىرگە جۇرگەن كيرا يارمىش Twitter-دە ونى اۋەجايداعى « ۆەنا» كافەسىندە شاي ىشكەن ءبىر زاتتان ۋلانعان دەپ جاريالادى. پرەزيدەنت ۆلاديمير ءپۋتيندى «الاياقتار مەن ۇرىلار پارتياسىنىڭ» جەتەكشىسى دەپ ءجيى اتاعان ناۆالنىي مىرزا ،كەلەسى ايدا وتەتىن جەرگىلىكتى سايلاۋ الدىندا وپپوزيتسيالىق ۇمىتكەرلەردى ۇيىمداستىرۋعا كومەكتەسۋ ءۇشىن سىبىرگە ساپار شەككەن.
ۇشاقپەن جەتكىزىلگەن سىبىردەگى ومبى قالاسىنداعى №1 كلينيكالىق اۋرۋحانانىڭ دارىگەرلەرى باستاپقىدا ناۆالنىيدىڭ اۋىر حالدە جاتقانىن ايتتى. كەيىن ونىڭ جاعدايى اۋىر بولسا دا، تۇراقتانعانى تۋرالى حابارلادى.
اقپارات كوزى:https://www.nytimes.com/2020/08/20/world/europe/navalny-poison-russia.html
اعىلشىن تىلىنەن ادىرنا ۇلتتىق ارناسى ءۇشىن اۋدارىلدى.
