مەملەكەت باسشىسىنىڭ موراتوريىنەن كەيىن مەملەكەتتىك ورگانداردىڭ قىمبات جيھاز ساتىپ الۋ فاكتىلەرى تىركەلگەن جوق. بۇل تۋرالى قر قارجى مينيسترلىگى مەملەكەتتىك ساتىپ الۋلار زاڭناماسى دەپارتامەنتىنىڭ ديرەكتورى ءسابيت احمەتوۆ ايتتى، دەپ حابارلايدى "ادىرنا" ءتىلشىسى قازاقپاراتقا سىلتەمە جاساپ.
«اكىمدىكتەردىڭ تاراپىنان كولىك ساتىپ الۋدىڭ بىرەن-ساران دەرەگى بار. دەگەنمەن، كوپ جاعدايدا اكىمدىكتەر نورماتيۆتىك-قۇقىقتىق اكتىلەردە كورسەتىلگەن تەحنيكالىق سيپاتتاما شەگىندە ساتىپ العان. جەكەلەگەن دەرەكتەرگە كەلەر بولساق، ولارعا قاتىستى تەكسەرۋ ءجۇرىپ جاتىر. قورىتىندىسى بويىنشا قوسىمشا اقپارات بەرەتىن بولامىز»، - دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا. ونىڭ دەرەگىنشە، جەڭىل كولىكتەردى نەگىزىنەن ىشكى ىستەر مينيسترلىگى جانە وڭىرلىك پوليتسيا دەپارتامەنتتەرى ساتىپ العان.
ونىڭ دەرەگىنشە، جەڭىل كولىكتەردى نەگىزىنەن ىشكى ىستەر مينيسترلىگى جانە وڭىرلىك پوليتسيا دەپارتامەنتتەرى ساتىپ العان.
«اۆتوكولىك ساتىپ الۋ سانى جاعىنان ەكىنشى ورىندا سانيتارلىق-ەپيدەميولوگيالىق قىزمەت تۇر. بۇل - موبيليزاتسيالىق دايىندىق قىزمەتتەرى، توتەنشە جاعدايلار قىزمەتى. ايتا كەتەرلىگى، اۆتوكولىكتەردىڭ باسىم بولىگى جاريالانعان موراتوري بويىنشا بەلگىلەنگەن شەكتەۋ شەگىندە ساتىپ الىنعان. وندا ەكى شەكتەۋ بار. بىرىنشىدەن، جەڭىل اۆتوكولىك قوزعالتقىشىنىڭ كولەمى 2 تەكشە مەتردەن اسپاۋى جانە بازالىق جيىنتىقتان جوعارى بولماۋى ءتيىس. ەكىنشىدەن، اتالعان اۆتوكولىك قۇرالدارى وتاندىق وندىرىستەن شىعۋ قاجەت. جالپى، اۆتوكولىك قۇرالدارىنىڭ بارلىعى دا وتاندىق تاۋار وندىرۋشىلەردەن ساتىپ الىنعان»، - دەدى ءسابيت احمەتوۆ.
"ادىرنا" ۇلتتىق پورتالى
