الەم بويىنشا İnstagram جانە Facebook سىندى الەۋمەتتىك جەلىلەردى باسىپ وزعالى تۇرعان TİK-TOK-تى كوبىنە جاساوسپىرىمدەر ءجيى قولدانادى.
2016-جىلى پايدا بولعان بۇل جەلى قولدانۋشىلارى قىزىقتى ۆيدەولار ءتۇسىرۋ ارقىلى وزدەرىنە وقىرمان جينايدى. بىرەۋلەر ءۇشىن قىزىعۋشىلىق بولسا، بىرەۋلەر وسى جەلىنى تابىس كوزىنە اينالدىرىپ وتىر. قازىرگى تاڭدا تىك-توك-تىڭ كۇندەلىكتى اۋديتورياسى 800 ميلليوننان اسادى ەكەن.
ترەند دەگەن نە؟
بۇل ءبىر بەستەللەر سىندى. بىراق وتە جىلدام ءوتىپ كەتەدى. ايدىڭ باسىندا وسىنداي ۆيدەو ءتۇسىرۋ ترەند بولسا، سوڭىندا مۇلدەم باسقا مۋزىكا مەن بي قيمىلدارى باسقا ۆيدەو ترەندكە اينالىپ كەتەدى.
ترەند ءۇشىن قۇربان بولعاندار..
Tik-TOK الەۋمەتتىك جەلىسىندەگى ترەندتى تۇسىرەمىن دەگەن ءار جازىلۋشى ءبىراز تەر توگەتىنى انىق. بىرنەشە اي بۇرىن بەلىن قوزعالتاتىن ءبيدى بيلەيمىن دەپ سۇيەگىن شىعارىپ العان قىزدىڭ ۆيدەوسى دا وسى TİK-TOK-تا تاراعان بولاتىن. كۇنى كەشە تاراز قالاسىنىڭ 15-17 جاسجاسوسپىرىمدەءرى تىك-توك ءۇشىن توبەلەسىپ، بىرەۋى پىشاقپەن جاراقاتتانعان بولاتىن. بۇدان بولەك، ءبىرىنشى رەتتەن ۆيدەو شىقپاي قالعان نەمەسەمۋزىكاعا ءىس-قيمىل سايكەس كەلمەگەن جاعدايدا جاستاردىڭ اشۋعا بۋلىعاتىنى انىق. مۇنىڭ ءوزى جاسوسپىرىمدەر مەن جاستاردىڭ پسيحولوگياسى مەن جۇيكە جۇيەسىنە ەداۋىر زيانىن الىپ كەلەرى انىق.
نەلىكتەن جاستار، بۇلدىرشىندەر TİK-TOK-قا قۇمار؟
كارانتين كەزىندە ۇيدە جاتىپ TİK-TOK-قا جازىلىپ، ۆيدەو ءتۇسىرىپ باستاعانداردىڭ سانى ارتپاسا كەمىمەگەنى انىق. ودان بولەك وزگە دە قولدانۋشىلاردىڭ جاريالاعان ۆيدەوجازبالارىن كورىپ، شىعا الماي ۋاقىتىنىڭ ءبارىن سوندا وتكىزەتىندەر كوپ. سول ءۇشىن دە جاستار بوس ۋاقىتىنىڭ بارلىعىن وسى جەلىدە وتكىزەدى.
قازىرگى ترەندتەگى ۆيدەولار
بۇل جەلىدە بيلەپ تۇسىرەتىن ۆيدەولاردان بولەك,باسقا دا جاستاردىڭ ساناسىن ۋلايتىن ۆيدەوجازبالاردىڭ قاراسى كوبەيىپ كەلەدى. مىسالى، مەنىڭ جاسىم 18-دە بولعاندا مەنى مىنا جىگىت(كۇيەۋىنىڭ سۋرەتىن كورسەتەدى) ۇرلاپ كەتتى. كەيىن مەنىڭ اياعىم اۋىر بولدى(جۇكتى كەزىندەگى سۋرەتىن قويادى). ودان سوڭ مەنى كۇيەۋىم تاستاپ كەتتى دەپ, ءوزىنىڭ قازىرگى سۋرەتىن قويادى. وسى سىندى ۆيدەولار بىرەۋ عانا ەمەس ءبىرشاما. سوندا ءبىزدىڭ ەلدىڭ جاستارى وسىنداي ناسيحاتقا قۇمار ما؟
ترامپ جانە TİK-TOK
وسىدان بىرنەشە اپتا بۇرىن اقش-تا TİK-TOK الەۋمەتتىك جەلىسىنىڭ جابىلاتىنىن حابارلاعانبولاتىن. اقشتىڭ تىك-توك قولدانۋشىلارى ءوز جازۋشىلارىمەن قوشتاسىپ، كوزدەرىنە جاس الىپ جاتقاندارى دا بولدى.
ترامپ TİK-TOK-تان نەگە قورىقتى?
دونالد ترامپ اقش-تا قىتاي فيرمالارى جاساعان جانە وعان تيەسىلى ءموبيلدى قوسىمشالاردىڭ تارالۋى "ۇلتتىق قاۋىپسىزدىككە، سىرتقى ساياساتقا جانە امەريكا قۇراما شتاتتارىنىڭ ەكونوميكاسىنا قاۋىپ توندىرەدى"- دەيدى. بۇل اقش پەن قىتاي اراسىنداعى تۇسىنبەۋشىلىكتەن تۋىنداعان ماسەلە مە، الدە ترامپتىڭ ءبىر بىلگەنى بار ما؟
سانى ارتپاسا ازايمايتىن بۇل جەلىنى قولدانۋ بىرەۋلەر ءۇشىن ماقتانىش بولسا، ەندى بىرەۋلەر ءۇشىن نامىس ەكەن. نە بولسا دا قازاقي ادەپ-ءداستۇر شەتكە ىسىرىلىپ, جاستارىمىزدىڭ بويى وزگە ەلدىڭ مەنتاليتەتىنە ۇيرەنىپ كەتپەسە ەكەن.
بىزدەن سىزگە كەڭەس. اتا-انا بولعان سوڭ بالاڭىزدىڭ نە كورىپ، ۇيرەنىپ جاتقانىن ءسىزدىڭ ءبىلىپ وتىرۋعا قۇعىڭىز بار. تىم بولماعاندا ايىنا ءبىر رەت ۇيالى تەلەفون، پلانشەت سىندى قۇرالدارىن تەكسەرىپ، بالاڭىز نەگە قۇمار، نە كورەتىندىگىنەن حاباردار بولىڭىز. مۇمكىندىگىنشە بالاڭىزعا زيان كەلەتىن نەمەسە بۇرىس نارسەلەردى ناسيحاتتايتىن زاتتاردان بويىن اۋلاق ۇستاعانىڭىز ءوزىڭىز ءۇشىن دە، بالاڭىز ءۇشىن دە پايدالى بولادى.
ءوزى كىشكەنە عانا ۋاقىتىڭىزدى پايداسىز، بوس وتكىزگىڭىز كەلسە وسى جەلىگە تىركەلۋگە كەڭەس بەرەمىز.
لاۋرا تۇرسىنجان،
“ادىرنا” ۇلتتىق پورتالى
