شىمكەنت قالاسىندا «شىمكەنت – تمد ەلدەرىنىڭ مادەني استاناسى» جىلى اياسىندا «مەنىڭ قازاقستانىم» ەسترادا انشىلەرىنىڭ ونلاين-فەستيۆالى وتۋدە.
تمد مەملەكەتتەرىنىڭ حالىقارالىق گۋمانيتارلىق ىنتىماقتاستىق قورىنىڭ جانە قازاقستان رەسپۋبليكاسىنداعى روسسوترۋدنيچەستۆو وكىلدىگىنىڭ قولداۋىمەن شىمكەنت قالاسىنىڭ اكىمدىگىنىڭ ۇيىمداستىرعان فەستيۆالى - قازاق كومپوزيتورى، قازاقستان رەسپۋبليكاسى ءانۇرانىنىڭ اۆتورى ءشامشى قالداياقوۆتىڭ 90 جىلدىعىنا ارنالىپ وتىر.
فەستيۆالدىڭ نەگىزگى ماقساتى - دوستاستىق ەلدەرى اراسىندا مادەني-گۋمانيتارلىق ىنتىماقتاستىقتى نىعايتۋ، رۋحاني بايلانىستاردى كەڭەيتۋ، سونداي-اق قازاق حالقىنىڭ مادەني مۇراسىن ناسيحاتتاۋ بولىپ تابىلادى.
1-15 تامىز ارالىعىندا وتەتىن فەستيۆالگە قازىرگى تاڭدا رەسەي فەدەراتسياسىنىڭ تاتارستان، باشقۇرتستان، التاي ولكەسى جانە سانكت-پەتەربۋرگ قالاسىنان، بەلارۋس، ءازىربايجان، ارمەنيا، تۇرىكمەنستان، وزبەكستان، تاجىكستان، قىرعىزستان جانە قازاقستاننان 20-عا جۋىق ۇمىتكەر قاتىسۋدا. سونىمەن قاتار، تمد مەملەكەتتەرىنەن تىس امەريكا قۇراما شتاتتارى، تۇركيا ەلدەرىنەن قاتىسۋشىلار دا بار.
فەستيۆال قورىتىندىسى بويىنشا تەلەۆيزيالىق نۇسقادا كونتسەرتتىك باعدارلاما دايىندالىپ، تەلەارنالاردان بەرىلەدى. ۇزدىك قاتىسۋشىلار العىس حاتتار تابىستالادى. سونىمەن قاتار، 2021-2022 جىلدار ارالىعىندا كارانتين رەجيمى اياقتالعاننان شىمكەنت قالاسىندا وتەتىن حالىقارالىق ءىس-شارالارعا شاقىرىلاتىن بولادى.
شىمكەنت قالاسى اكىمىنىڭ ءباسپاسوز قىزمەتى
