الەمدەگى قىزىقتى ءھام سوراقى عۇرىپتار

5200
Adyrna.kz Telegram

جاھاندا تالاي قىزىق بار. ناقتىراق ايتقاندا جاھان جۇرتىندا. كەيبىر ەلدىڭ سالتىنداعى باسقالىق،  يتىندەگى قارا قاسقالىق، ءتىپتى، جاعا ۇستاتادى. وزگەنى تومەندەتۋدەن اۋلاقپىز، ارينە. بىزدە دە وزگەگە وعاش كورىنەتىن ىرىمداردىڭ بار ەكەنىنە كۇمان جوق. بىزگە ءبىرتۇرلى كورىنگەن وزگەدەگى كەيبىر جورالعىلار وزدەرى ءۇشىن قۇندى شىعار، بالكىم... ولار قانداي جورالعىلار؟

قۇمىرسقا تولى قولعاپ

   بىراز ەل، ءا؟! ءبىراز ەلى نەسى دەپ وتىرعان بولارسىز؟ برازيليانى ايتام. تەڭبىل دوپتى ۇرشىقشا يىرەتىن تالاي مارقاسقانى شىعارعان ەل – بۇل. سول برازيليادا ساتەرە-ماۆە دەيتىن تايپا بار. ساتەرە-ماۆەلىكتەردە ەر بالا جىگىت بولاردا ءبىر قيىن سىناقتى باستان وتكەرەدءى. سىناعىنىڭ سىقپىتى مىناداي. جىگىت بولار جەتكىنشەك شاماننىڭ باسشىلىعىمەن قولعاپقا قۇمىرسقا جينايدى.قۇمىرسقا دەگەنگە  سىز بەنەن ءبىز بالا كەزىمىزدە نەمىس پەن قازاق دەپ توبەلەستىرەتىن قارا، قىزىل قۇمىرسقالار كوز الدىڭىزعا كەلگەندە بولار. الايدا, ولار ەمەس. بال اراسىنان بىرنەشە ەسە قاتتى شاعاتىن – پاراپونەرا قۇمىرسقالارى. پاراپونەرا تولى قولعاپتى ءبىر كيىپ، دەمدە شەشە قويمايدى الگىلەر. 11 ساعات بويى قولعاپ ىشىندە سابىرىن سىنايتىن كورىنەدى. ءسال قيمىلداساڭ شاعىپ، دۋىلداتا جونەلگەنى. 11 ساعات بويى قىڭق ەتپەي,شىداپ باقساڭ، جىگىتسىڭ. اينالاڭدا سەنى سولاي قابىلدايدى. ال وسالدىق تانىتساڭ، جىگىتتىڭدە شيكىلىك بار دەگەن ءسوز. بىزشە ايتقاندا – مىگىتءسىڭ!                                  

تىنىش جاتقان ارىستاندى...

   جورالعى اتاۋلىعا كەندەلىك تانىتپايتىن ەلدىڭ ءبىرى – افريكاداعى ماساي جۇرتى. اتالعان تايپادا جەتكىنشەكتەرءدىڭ جىگىتتىگىن دالەلدەۋءى كۇردەلىرەك وزگەلەرگە قاراعاندا. تاپسىرمانى ورىنداپ نە وت بولاسىڭ، نە جوق بولاسىڭ. مۇيىزتۇمسىقتى 3 مارتە تەبۋ نەمەسە اقىرعان ارىستاننىڭ قۇيرىعىنان تارتۋ نەگىزگى مىندەت بولىپ تابىلادى. كورەر كوزگە، ەستىر قۇلاققا قىزىق بولۋى مۇمكىن، سىناق تاپسىرۋشى ءۇشىن وڭايعا سوقپاسى انىق.

ساۋساق كەسۋ عۇرپى

  ۇرىنىڭ ساۋساعىن شابادى نەمەسە شاۋىپتى دەگەندى ەستىگەن شىعارسىز. ال جەرلەۋ راسىمىندە ساۋساعىن «قۇرباندىققا» شالادى دەگەندى ەستۋىڭىز بار ما؟ وندا مىناعان زەر سالىڭىز! جاڭا گۆينەيانىڭ باليەم القاپتارىندا داني (نداني دەپ تە ايتىلادى) اتتى تايپا بار. ءدال سول تايپانىڭ ادامدارى  جاقىنى قايتقاندا كۇلدى نەمەسە بالشىقتى بەتتەرىنە جاعىپ، ساۋساقتارىن شاۋىپ,ونى ولگەن كىسىمەن بىرگە كومەدى. كوبىنەسە ايەلى نەمەسە كۇيەۋى ومىردەن وتكەندە. بۇل ارتىندا قالعان ادام ءۇشىن قازانىڭ قانشالىقتى اۋىر بولعانىن جانە جاقىنىنا دەگەن سۇيىسپەنشىلىگىن بىلدىرەدى-مىس.

ەل كولاچو

   پيرەنەي تۇبەگى دەگەندە ەسىڭىز تۇسەر ءبىر ەل بار عوي. ءيا، ناق ءوزى! يسپانيا! ەل كولاچو يسپان حالقىندا ورىندالاتىن عۇرىپتىڭ ءبىر ءتۇرى. سايتان بەينەسىندە كيىنگەن ەرلەر توسەنىش ۇستىنە جاتقىزىلعان نارەستەلەردىڭ ۇستىنەن سەكىرەدى ارى-بەرى. نانىم بويىنشا، بۇل راسىمنەن كەيىن سابيگە زۇلىم رۋحتار جولامايدى.

نارەستەنى بيىكتىكتەن لاقتىرۋ

  سانداعان عاسىرعا جالعاسقان كەزەكتى قاۋىپتى ءراسىم ءۇندىستاندا ورىندالادى. كەلىسىم بەرگەن جۇپتار 15 مەتر بيىكتىكتەن نەمەسە شىركەۋدىڭ توبەسىنەن 2 جاسقا تولماعان ءسابيىن لاقتىرادى. ىرىم ورىندالۋى بارىسىندا بارلىق قاۋىپسىزدىك شارالارى ساقتالادى-مىس. جەردە قاۋمالاعان حالىق جايۋلى كەزدەمەمەن نارەستەنى قاعىپ الادى. كەيبىر ادامدار مۇنى جابايىلىقتىڭ سارقىنشاعى دەسە، ورىنداۋشىلار اتالعان جورالعى ءسابي عۇمىرىنىڭ ءساتتى، دەنساۋلىعىنىڭ مىعىم بولۋىنا اسەر ەتەدى دەپ سەنەدى.

زورلىق-زومبىلىققا ۇشىرايتىن ءبيشى بالالار

سوراقى دءاستۇردىڭ ءبىرى-اۋعانستاندا. ءيا، كادۋىلگى اۋعانستان. ءايەلدەرىن تۇمشالاپ، دىنشىلدىكتىڭ ەۆەرەستىنە شىققان بۇل ەلدە جاسوسپىرىمدەردى ساۋدالايتىن «جەڭگەتايلار» بار. جەتىم بالالاردى نەمەسە تۇرمىسى تومەن وتباسىلاردىڭ بالالارىن ساتىپ الىپ، بيشىلىك ونەرگە «باۋليدى». قىزدىڭ كيىمىن كيىپ بيلەيتىن بالالاردى باچاازي دەپ اتايدى. ەركەكتەءرىنىڭ كوڭىلدى جيىندارىندا باچا-بازيلار «ونەر» كورسەتىپ, ارتىنشا كوپ پۇل تولەگەندەرى الگى بالالارمەن بىرگە تۇنەپ، قۇمارىن قاندىرادى. وسىندايدا، سارتتىڭ قىزى بەتىن بۇركەپ جۇرەدى، ارتىنا بالە تىركەپ جۇرەدى. قازاقتىڭ قىزى ءجۇزىن اشىپ جۇرەدى، بالەدەن قاشىق جۇرەدى دەگەن اتالى ءسوز ويعا ورالادى. قىزدارىنىڭ ديدارىنكورۋدى, كوشەگە شىعۋىن كۇنا سانايتىن اۋعاندار بۇل ماسەلەگە قاتتى قىمسىنا قويمايدى. ولار ءۇشىن بۇل جاي عانا – ءداستۇر. بۇيتكەن ءداستۇرىڭنىڭ دەرسىڭ...

 

اعىن ايدىن،

«ادىرنا» ۇلتتىق پورتالى

پىكىرلەر