ء"بىلىم" تاريفتىك جوسپارى ىسكە قوسىلادى

512

جاقىندا وقۋشىلار مەن ستۋدەنتتەرگە ارنالعان ارنايى تاريفتىك جوسپار ىسكە قوسىلادى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءبىرىنشى ۆيتسە-ءمينيسترى باعدات مۋسسين حابارلادى.

- وسى تامىز ايىنىڭ 20-نان كەيىن مۇعالىمدەرگە، وقۋشىلار مەن ستۋدەنتتەرگە ارنالعان «ءبىلىم» ارنايى تاريفتىك جوسپارى قولجەتىمدى بولادى. بۇل ماسەلەنى قر ءبىلىم جانە عىلىم مينيسترلىگىمەن جانە بايلانىس وپەراتورلارىمەن بىرلەسىپ پىسىقتادىق.

وسى ورايدا، قازاقستاندىق ءبىلىم بەرۋ رەسۋرستارىنا شەكتەۋسىز قوسىلۋدى قامتاماسىز ەتۋ ماقساتىندا ىنتىماقتاستىق مەموراندۋمىنا قول قويدىق.

«ءبىلىم» ارنايى ءتاريفىنىڭ ابونەنتتىك تولەمى ايىنا 990 تەڭگە. بۇل تاريفتىك جوسپار قازاقستاندىق بەينەكونفەرەنتسيا بايلانىس جۇيەلەرىن قوسا العاندا، بعم ماقۇلداعان 380 وتاندىق ءبىلىم بەرۋ رەسۋرسىن شەكتەۋسىز پايدالانۋعا مۇمكىندىك بەرەدى.

سونداي-اق، بايلانىس وپەراتورلارى قوسىمشا 1 گب ينتەرنەت ترافيگىن ۇسىنادى.

سونىمەن قاتار، تىركەلگەن بايلانىس وپەراتورلارىمەن بىرلەسىپ مەكتەپتەردە ينتەرنەت جىلدامدىعىن 8 مبيت/سەك دەيىن قوسۋ/ارتتىرۋ بويىنشا تالداۋ جۇمىستارى جۇرگىزىلدى -, دەدى ۆيتسە-مينيستر.

«ادىرنا» ۇلتتىق پورتالى

پىكىرلەر
رەداكتسيا تاڭداۋى