قىتاي اقش "قىرعي-قاباق سوعىس" يدەياسىنان باس تارتادى دەگەن ۇمىتتە ەكەنىن ايتتى، - دەپ حابارلايدى Xinhua اگەنتتىگىنە سىلتەمە جاساعان Tengrinews.kz.
Xinhua اقپارات اگەنتىگىنە بەرگەن سۇقباتىندا قىتايدىڭ سىرتقى ىستەر ءمينيسترى ۆان ي الەم يدەولوگيالىق بلوكقا ءبولىنۋ قاۋپى الدىندا تۇرعانىن ايتتى.
"بۇل - ادامزاتتىڭ پروگرەسى مەن دانالىعىن ەسكەرمەۋ عانا ەمەس، ءارى تاريحتىڭ دوڭگەلەگىن كەرى بۇرۋدىڭ ورىنسىز ارەكەتى", - دەيدى ول.
قحر سىرتقى ىستەر ءمينيسترى قازىرگى تاڭدا قىتاي مەن اقش اراسىنداعى بايلانىس ۋشىعىپ تۇرعانىن اتاپ ءوتتى.
ۆان ي قحر بۇرىنعى كسرو-نىڭ جولىن تاڭدامايتىنىن، اشىق بايلانىس ورناتۋدى قالايتىنىن جەتكىزدى. ونىڭ ايتۋىنشا، قىتاي الەمنىڭ دامۋىنا جانە حالىقارالىق ءتارتىپتى ساقتاۋعا ءوز ۇلەسىن قوسادى.
بەيجىڭ مەن ۆاشينگتون اراسىنداعى بايلانىس سوڭعى ايلاردا ءتۇرلى سەبەپتەرمەن ۋشىعا ءتۇستى. قوس مەملەكەت كوروناۆيرۋس پاندەمياسى، از ۇلت وكىلدەرىنىڭ قۇقىعىن ساقتاۋ، ساۋدا-ساتتىق سىندى كۇردەلى ماسەلەلەردە ءبىر ۇستانىمعا كەلە المادى.
