اقتوبە ساۋداگەرلەرى نەگە اشۋلى؟

748

اقتوبە ساۋداگەرلەرى  بازارلارعا بىردەي تالاپ قويىلماعانىنا  نارازىلىق تانىتىپ،  ورتالىق بازاردا  شۋ شىعاردى. بۇل تۋرالى "ادىرنا" ءتىلشىسى كتك ارناسىنا سىلتەمە جاساپ حابارلايدى.

ورتالىق بازاردىڭ ساۋداگەرلەرى سانيتارلىق دارىگەرلەردىڭ قالاداعى بارلىق بازارعا بىردەي تالاپ قويىلماي وتىرعانىن ايتىپ رەنىشتەرىن ءبىلدىردى. قاۋىپسىزدىك ءۇشىن تيىم سالىنسا بارلىق بازار بىردەي جابىلسىن دەدى. ساۋداگەرلەر «التاي»،«تابىس»،«شىعىس» بازارلارى جۇمىس جاساپ تۇرعانىن ايتىپ، كۇن كورىستەرىمىز قيىنداپ كەتتى دەيدى.

جازيرا احمەتوۆا, ساۋداگەر: - بىزدە اي سايىن جاۋىپ تاستايدى. كرەديتتەرىمىز بار. جالعىزباستى انامىن. ءۇش بالام بار. جاردەماقى ەشتەڭەمە جەتپەدى، نە نەسيەمە، نە دارىلەرىمە. ءبىز تەگىن ەشتەڭە سۇراپ جاتقان جوقپىز. ءوز ادال ەڭبەگىمىزبەن كۇن كورگىمىز كەلەدى. بىزگە بازاردى اشسىن!

بازارعا جەتكەن قالالىق باس سانيتار دارىگەرگە ايەلدەر دۇرسە قويا بەردى. شەنەۋنىك ەكى اپتاسىز ساۋدا ورنى اشىلمايدى دەپ وتىر.

ساۋداگەردىڭ ء"بىزدىڭ بازار اشىلا ما؟" دەگەن سۇراعىنا شەنەۋنىك تاراپىنان "17-تامىزعا دەيىن اشلمايدى" دەگەن جاۋاپ ايتىلدى.

سانيتار ماماندار سوڭعى رەت ەكى اپتاعا سوزىلعان كارانتين تالاپتارى جەڭىلدەتىلۋى مۇمكىن دەگەن بولجامىن دا ايتادى. ول ايماقتاعى ەپيدەميالوگيالىق احۋالعا بايلانىستى بولماق. ىندەتتىڭ تارالۋى توقتاسا عانا سۋداگەرلەردىڭ تالابى ورىندالۋى مۇمكىن.

ساۋداگەرلەر  سانيتار دارىگەرلەردىڭ قالاداعى بارلىق بازارعا بىردەي تالاپ قويماي وتىرعانىنا اشىنادى. ەگەر قاۋىپسىزدىك ءۇشىن ساۋداعا تىيىم سالىنسا، بارلىق جەر جابىلسىن دەپ وتىر. ال ساۋداگەرلەردى الالايتىن بولسا، بازارلار جاپپاي اشىلسىن دەپ اشىنادى.

«التاي» بازارى، «تابىس»، «شىعىس» ىستەپ جاتىر. بىزدە نەگە جابىق؟ جينالعان ساۋداگەرلەر بازارلاردى سانيتار ماماندار الالايتىن بولسا، دەرەۋ ورتالىق بازاردى اشسىن دەپ تالاپ قويدى. ونىمەن قوسا، ءبىر ايدان بەرى تابىستان قاعىلىپ، «اس-سۋىمىزدى ارەڭ تاۋىپ وتىرمىز» دەپ اشىنادى.

اقتوبە قالاسىنداعى  «التاي» بازارى، «تابىس»، «شىعىس» ساۋدا ورىندارى شىنىمەن دە جۇمىسىن جالعاستىرۋدا. ءبىر ايدان بەرى تابىسىنان قاعىلىپ، اس-سۋىن ارەڭ تاۋىپ وتىرعان تۇرعىندار  كىمگە شاعىنارىن بىلمەي الەك بولۋدا.

اسقار گۇلۆيرا، 

"ادىرنا" ۇلتتىق پورتالى

 

 

پىكىرلەر
رەداكتسيا تاڭداۋى