ستاتيستيكا كوميتەتىنىڭ اقپاراتى بويىنشا، 2019 جىلدىڭ II توقسانىمەن سالىستىرعاندا 13,7% – عا، ال ناقتى جالاقى-6,5% - عا ءوسىپتى.
سالالار بويىنشا كەن ءوندىرۋ ونەركاسىبىندە جانە كارەرلەردى قازۋدا ەڭ كوپ تابىس تابادى – 443,4 مىڭ تەڭگە، بۇل ەل بويىنشا ورتاشا دەڭگەيدەن ەكى ەسە ارتىق.
ءوز كەزەگىندە قارجى جانە ساقتاندىرۋ قىزمەتىندە جالاقى 386,8 مىڭ تەڭگەنى، كاسىبي، عىلىمي جانە تەحنيكالىق قىزمەت سالاسىندا – 326 مىڭ تەڭگەنى، اقپارات جانە بايلانىس سالاسىندا – 273,2 مىڭ تەڭگەنى، كولىك جانە قويمالاۋ سالاسىندا – 233,6 مىڭ تەڭگەنى قۇرادى.
ەڭ تومەنگى دەڭگەي اۋىل، ورمان جانە بالىق شارۋاشىلىعىندا بايقالدى – 127,3 مىڭ تەڭگە، بۇل ەل بويىنشا ورتاشا كورسەتكىشتەن 40% تومەن.
"وڭىرلىك بولىنىستە ەڭ جوعارى اتاۋلى جالاقى اتىراۋ وبلىسىندا بەلگىلەندى – 386,4 مىڭ تەڭگە، بۇل ورتاشا رەسپۋبليكالىق كورسەتكىشتەن 1,8 ەسە جوعارى. سولتۇستىك قازاقستان وبلىسىندا ونىڭ كولەمى 159,3 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن 24,9% – عا تومەن", - دەپ حابارلادى ستاتيستيكا كوميتەتى.
ەستەرىڭىزگە سالا كەتەيىك، 2020 جىلدىڭ ناۋرىز ايىنىڭ قورىتىندىسى بويىنشا قازاقستانداعى ورتاشا اتاۋلى جالاقى 196,7 مىڭ تەڭگەنى قۇرادى. سونداي-اق، ەلدە ەاەو ەلدەرى اراسىندا وسى كورسەتكىشتىڭ ەڭ جوعارى ءوسىمى تىركەلگەنى حابارلاندى.
جارتى جىلعا ۋاقىت جارىتىپ جۇمىس ىستەمەدىك، كارانتيندە ۇيدە وتىردىق. الايدا جالاقىمىز كورشى ەلدەر قىزىعاتىنداي شارىقتاپ وسۋدە ەكەن. بۇل قانشالىقتى شىندىق؟
"ادىرنا" ۇلتتىق پورتالى.
