Jalaqymyz sumdyq kóterilipti

2412
Adyrna.kz Telegram

Statıstıka komıtetiniń aqparaty boıynsha,  2019 jyldyń II toqsanymen salystyrǵanda 13,7% – ǵa, al naqty jalaqy-6,5% - ǵa ósipti.

Salalar boıynsha ken óndirý ónerkásibinde jáne karerlerdi qazýda eń kóp tabys tabady – 443,4 myń teńge, bul el boıynsha ortasha deńgeıden eki ese artyq.

Óz kezeginde qarjy jáne saqtandyrý qyzmetinde jalaqy 386,8 myń teńgeni, kásibı, ǵylymı jáne tehnıkalyq qyzmet salasynda – 326 myń teńgeni, Aqparat jáne baılanys salasynda – 273,2 myń teńgeni, Kólik jáne qoımalaý salasynda – 233,6 myń teńgeni qurady.

Eń tómengi deńgeı aýyl, orman jáne balyq sharýashylyǵynda baıqaldy – 127,3 myń teńge, bul el boıynsha ortasha kórsetkishten 40% tómen.

"Óńirlik bóliniste eń joǵary ataýly jalaqy Atyraý oblysynda belgilendi – 386,4 myń teńge, bul ortasha respýblıkalyq kórsetkishten 1,8 ese joǵary. Soltústik Qazaqstan oblysynda onyń kólemi 159,3 myń teńgeni qurady, bul el boıynsha ortasha deńgeıden 24,9% – ǵa tómen", - dep habarlady Statıstıka komıteti.

Esterińizge sala keteıik, 2020 jyldyń naýryz aıynyń qorytyndysy boıynsha Qazaqstandaǵy ortasha ataýly jalaqy 196,7 myń teńgeni qurady. Sondaı-aq, elde EAEO elderi arasynda osy kórsetkishtiń eń joǵary ósimi tirkelgeni habarlandy.

Jarty jylǵa ýaqyt jarytyp jumys istemedik, karantınde úıde otyrdyq. Alaıda jalaqymyz kórshi elder qyzyǵatyndaı sharyqtap ósýde eken. Bul qanshalyqty shyndyq?

"Adyrna" ulttyq portaly. 

Pikirler